ସନ୍ଧ୍ୟା ସୁଦ୍ଧା ୮ ଥାଇଲାଣ୍ଡ ଯୁବତୀଙ୍କୁ ଦେଶ ଛାଡ଼ିବାକୁ ନିର୍ଦ୍ଦେଶ

ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱରର ଏକ ସ୍ପା ସେଣ୍ଟରରୁ ୮ ଜଣ ଥାଇଲାଣ୍ଡ ଯୁବତୀ ଧରାପଡ଼ିବା ଘଟଣାରେ କମିଶନରେଟ ପୋଲିସର କାର୍ଯ୍ୟାନୁଷ୍ଠାନ ଗ୍ରହଣ କରିଛି। ଅତି ଶୀଘ୍ର ଦେଶ ଛାଡ଼ି ଚାଲିଯିବାକୁ ଏହି ୮ ଥାଇଲାଣ୍ଡ ଯୁବତୀଙ୍କୁ ନୋଟିସ୍ ଜାରି କରିଛି କମିଶନରେଟ ପୋଲିସ। ଆଜି ସନ୍ଧ୍ୟା ସୁଦ୍ଧା ଦେଶ ଛାଡ଼ିବାକୁ ସେମାନଙ୍କୁ ନୋଟିସ୍ ଜାରି ହୋଇଛି।

ସୂଚନାଯୋଗ୍ୟ, ଗତ ୧୯ତାରିଖରେ ଭୁବନେଶ୍ୱରର ବାପୁଜୀନଗର ଭଳି ଏକ ଜନଗହଳିପୂର୍ଣ୍ଣ ସ୍ଥାନରୁ ଏକ ବଡ ସେକ୍ସ ରାକେଟ୍‌କୁ ଧରିଥିଲା କମିଶନରେଟ୍ ପୋଲିସ। ଏହି ରାକେଟ୍‌ରେ ସଂପୃକ୍ତ ଥିବା ୮ଜଣ ଥାଇଲ୍ୟାଣ୍ଡ ଯୁବତୀ ପୋଲିସ ହାତରେ ଧରାପଡିଥିଲେ। ଏହାସହ ୭ ଜଣ ଯୁବକଙ୍କୁ ମଧ୍ୟ ପୋଲିସ ଧରିଥିଲା। ଟୁରିଷ୍ଟ ଭିସା ନାଁରେ ବିଦେଶିନୀମାନେ ସେକ୍ସ କାରବାର ଭଳି କର୍ମରେ ନିୟୋଜିତ ରହିଥିବାରୁ ଭିସା ଗାଇଡଲାଇନକୁ ସେମାନେ ଉଲଂଘନ କରୁଥିବା ନେଇ ଜଣାପଡିଥିଲା।

ଅଧିକ ପଢ଼ନ୍ତୁ-ସ୍ପାରେ ଭିତରେ ଚାଲିଥିଲା ଖେଳ, ଥାଇଲାଣ୍ଡରୁ ଆସି ଜମେଇଥିଲେ ବେପାର