ପୁଲିସ୍‌ ଗୁଳିରେ ଦୁର୍ଦ୍ଦାନ୍ତ ଅପରାଧୀ ଚିକୁ ଆହତ

କଟକ(ଓଡ଼ିଶା ରିପୋର୍ଟର): ପୁଲିସ୍‌ ଗୁଳିରେ ଦୁର୍ଦ୍ଦାନ୍ତ ଅପରାଧୀ ଅନୀଲ ବେହେରା ଓରଫ୍‌ ଚିକୁ ଆହତ ହୋଇଛି। ଚିକୁର ଗୋଡ଼ରେ ଗୁଳି ବାଜିଛି। ତାକୁ କଟକ ବଡ଼ ଡାକ୍ତରଖାନାରେ ଭର୍ତ୍ତି କରାଯାଇଛି।

ଏକ ଲୁଟ୍ ମାମଲାରେ କଟକ ପୁଲିସ୍‌ ଚିକୁକୁ ଖୋଜୁଥିଲା। ସେ ନୂଆପଡ଼ା ଅଞ୍ଚଳରେ ଥିବା ନେଇ ପୁଲିସ୍‌ ଖବର ପାଇଥିଲା। ତା’ପରେ ସେଠାରେ ଚଢ଼ଉ କରିଥିଲା। ଏହି ସମୟରେ ଚିକୁ ପୁଲିସ୍‌ ଉପରକୁ ଗୁଳି ଚଳାଇ ଖସି ପଳାଇବାକୁ ଚେଷ୍ଟା କରିଥିଲା। ପୁଲିସ୍‌ ଏହାର ପାଲଟା ଜବାବ ଦେଇଥିଲା। ପୁଲିସ୍‌ ଗୁଳିରେ ଚିକୁ ଆହତ ହୋଇଥିଲା।

ଚିକୁ ନିକଟରୁ ଗୋଟିଏ ପିସ୍ତଲ, ଦୁଇ ରାଉଣ୍ଡ ଗୁଳି ଓ ମୋବାଇଲ୍‌ ଜବତ କରାଯାଇଛି।