ହାଇଦ୍ରାବାଦରେ ମହା ଆଡ଼ମ୍ବରରେ ଆୟୋଜିତ ହେଲା ତ୍ରୟୋଦଶ ନୂଆଁଖାଇ ଭେଟଘାଟ

ହାଇଦ୍ରାବାଦ(ଓଡ଼ିଶା ରିପୋର୍ଟର): ହାଇଦ୍ରାବାଦର ବଞ୍ଜାରା ହିଲ୍‌ସ ସ୍ଥିତ କଳିଙ୍ଗ କଲଚରାଲ ଟ୍ରଷ୍ଟ ଭବନରେ ତ୍ରୟୋଦଶ ନୂଆଁଖାଇ ଭେଟଘାଟ ଆୟୋଜିତ ହୋଇଯାଇଛି ।  ଏଥିରେ ପଶ୍ଚିମ ଓଡ଼ିଶାର ବହୁ ବିଶିଷ୍ଟ ବ୍ୟକ୍ତି ବିଶେଷଙ୍କୁ ବିଭିନ୍ନ ବର୍ଗରେ ସମ୍ମାନିତ କରାଯାଇଥିଲା । ଏହି କାର୍ଯ୍ୟକ୍ରମରେ ବରଗଡ଼ ସାଂସଦ ପ୍ରଭାସ ସିଂହ ମୁଖ୍ୟ ଅତିଥି ଭାବେ ଯୋଗ ଦେଇଥିଲେ । ଚଳଚ୍ଚିତ୍ର ନିର୍ଦ୍ଦେଶକ ପଦ୍ମଶ୍ରୀ ନୀଳମାଧବ ପଣ୍ଡା ସମ୍ମାନିତ ଅତିଥି ଭାବେ ଯୋଗ ଦେଇଥିଲେ ।

ପରେ ଆସି ଢାପ ଓ ନୂଆ ଖାଇ ପରି ନୃତ୍ୟ ସହିତ ଅନ୍ୟାନ୍ୟ କାର୍ଯ୍ୟକ୍ରମ ପରିବେଷଣ ହୋଇଥିଲା । ଏଥିରେ ପଶ୍ଟିମ ଓଡ଼ିଶାର ସ୍ୱନାମଧନ୍ୟ ବ୍ୟକ୍ତିତ୍ଵ ଅଭିନେତା  ଅଟଳ ବିହାରୀ ପଣ୍ଡା, କଣ୍ଠଶିଳ୍ପୀ ଶାଶ୍ଵତ ତ୍ରିପାଠୀ, ଶତୃଘ୍ନ ଲୁହା ଓ ଓଟିଭି ଫି’ଦିନର ଆଙ୍କର ପଲ୍ଲବୀ ହୋତାଙ୍କୁ ‘ଜୁହାର ଗୌରବ’ ଉପାଧିରେ ସମ୍ମାନିତ କରାଯାଇଥିଲା। ଏହି ଅବସରରେ ଫିଲ୍ମ ପ୍ରଯୋଜକ ଜିତେନ୍ଦ୍ର ମିଶ୍ରଙ୍କୁ ‘ୟୁଥ ଆଇକନ’ ଓ ଭାରତ ଗୌରବଙ୍କୁ ‘ପବ୍ଲିକ ରିଲେସନ’ ଉପାଧି ଦିଆଯାଇଥିଲା।