ଚୀନ କ୍ଷେପଣାସ୍ତ୍ରକୁ ଟକ୍କର ଦେବାକୁ ଆସିଲା ‘ଅଗ୍ନି ୫’

<p>ବାଲେଶ୍ୱର(ଓଡ଼ିଶା ରିପୋର୍ଟର): ଉତକ୍ଷେପଣ ହୋଇଛି &lsquo;ଅଗ୍ନି ୫&rsquo; କ୍ଷେପଣାସ୍ତ୍ର। ପ୍ରତିରକ୍ଷା ଗବେଷଣା ଉନ୍ନୟନ ପ୍ରତିଷ୍ଠାନ ପକ୍ଷରୁ ଅବଦୁଲ କଲାମ ଦ୍ୱୀପର ୪ ନମ୍ବର ଲଞ୍ଚ ପ୍ୟାଡରୁ ଆଜି ସକାଳ ୯ଟା ୫୩ ମିନିଟରେ ଏହାକୁ ଉତକ୍ଷେପଣ କରାଯାଇଛି। ଚୀନର ଅନ୍ତଃ ମହାଦେଶୀୟ ବାଲାଷ୍ଟିକ କ୍ଷେପଣାସ୍ତ୍ର &lsquo;ଡଙ୍ଗପେଙ୍ଗ&rsquo; ୫କୁ ଏହା କଡ଼ା ଟକ୍କର ଦେବ। ଭାରତର ଯେକୌଣସି ସ୍ଥାନରୁ ଚୀନକୁ ଏହା ଟାର୍ଗେଟ କରିପାରିବ। ଜରୁରୀ ସ୍ଥିତିରେ ରେଳ ଓ ରୋଡ୍ ଲଞ୍ଚରରୁ ଉତକ୍ଷେପଣ ହୋଇପାରିବ।</p> <p>ପରମାଣୁ କ୍ଷମତା ସଂପନ୍ନ ଏହି ବାଲାଷ୍ଟିକ କ୍ଷେପଣାସ୍ତ୍ର ସଂପୂର୍ଣ୍ଣ ସ୍ୱଦେଶୀ ଜ୍ଞାନକୌଶଳରେ ନିର୍ମିତ ହୋଇଛି। ଏହାର ଲମ୍ବ ୧୭.୫ ମିଟର, ମୋଟେଇ ୨ ମିଟର ଓ ଓଜନ ୫୦ ଟନ୍। &nbsp;ଏହା ଦେଢ଼ ଟନ୍ ଓଜନର ପାରମ୍ପାରିକ କିମ୍ବା ପରମାଣୁ ଯୁଦ୍ଧାସ୍ତ୍ର ବହନ କରିବାର କ୍ଷମତା ରହିଛି। ଏହାର ଲକ୍ଷ୍ୟଭେଦ କ୍ଷମତା ୫ ହଜାର କିଲୋମିଟର। ପୂର୍ବରୁ ୨୦୧୨, ୨୦୧୩, ୨୦୧୫ ଓ ୨୦୧୬ରେ ସଫଳ ପରୀକ୍ଷଣ ହୋଇଥିଲା।</p>