ଶିକ୍ଷାନୁଷ୍ଠାନକୁ ଜମି ଦେବ ରାଜସ୍ୱ ବିଭାଗ

<p>ଭୁବନେଶ୍ୱର( ଓଡ଼ିଶା ରିପୋର୍ଟର): ରାଜ୍ୟରେ ଥିବା ବିଭିନ୍ନ ଶିକ୍ଷାନୁଷ୍ଠାନର ଜମି ସମସ୍ୟା ଦୂର କରିବା ପାଇଁ ଖୁବଶୀଘ୍ର ନୂତନ ପଲିସି ନିର୍ଦ୍ଧାରଣ କରାଯିବ। ଏନେଇ ବିଧାନସଭାରେ ମତବ୍ୟକ୍ତ କରିଛନ୍ତି ରାଜସ୍ୱ ମନ୍ତ୍ରୀ ମହେଶ୍ୱର ମହାନ୍ତି। ନୂ&zwnj;ଆ ପଲିସି ଅନୁଯାୟୀ, ଶିକ୍ଷାନୁଷ୍ଠାନ ପାଇଁ ଜମି ଏକ ସମସ୍ୟା ହୋଇ ରହିବ ନାହିଁ। ରାଜ୍ୟରେ ଥିବା ଅନେକ ସ୍କୁଲ ଓ କଲେଜରେ &zwnj;ଆବଶ୍ୟକ ପରିମାଣର ଜମି ଉପଲବ୍ଧ ନ ଥିବା ଯୋଗୁଁ ଅନେକ ସମୟରେ ସେମାନଙ୍କୁ ଗ୍ରାଣ୍ଟ ମିଳିବାରେ ସମସ୍ୟା ସୃଷ୍ଟି ହେଉଛି।&nbsp; ସେନେଇ ଉଚ୍ଚଶିକ୍ଷା ନିର୍ଦ୍ଦେଶକଙ୍କ ଅଧ୍ୟକ୍ଷତାରେ ଏକ କମିଟି ଗଠନ କରାଯାଇଛି।&nbsp; ଏହି କମିଟି ଚଳିତମାସ ଶେଷ ସୁଦ୍ଧା ସରକାରଙ୍କୁ ରିପୋର୍ଟ ପ୍ରଦାନ କରିବ।</p> <p>ନୂଆ ପଲିସି ଅନୁଯାୟୀ ଯେଉଁ ଶିକ୍ଷାନୁଷ୍ଠାନର ଜମି ନାହିଁ ସେହି ଶିକ୍ଷାନୁଷ୍ଠାନକୁ ରାଜସ୍ୱ ବିଭାଗ ପକ୍ଷରୁ ଜମି ଯୋଗାଇବା &nbsp;ପାଇଁ ବ୍ୟବସ୍ଥା କରାଯିବ। ସିଧାସଳଖ ଭାବରେ ସଂପୃକ୍ତ ଶିକ୍ଷାନୁଷ୍ଠାନକୁ ରାଜସ୍ୱ ବିଭାଗ ଜମି ଦେବ ନାହିଁ।&nbsp; ସ୍କୁଲ ହୋଇଥିଲେ ସ୍କୁଲ ଓ ଗଣଶିକ୍ଷା ବିଭାଗକୁ ଏବଂ କଲେଜ କ୍ଷେତ୍ରରେ ଉଚ୍ଚଶିକ୍ଷା ବିଭାଗକୁ ଜମି ହସ୍ତାନ୍ତର କରାଯିବ। ଏହାଦ୍ୱାରା ଗ୍ରାଣ୍ଡ ପାଇବାରୁ ବଞ୍ଚିତ ହେଉଥିବା&nbsp; ସ୍କୁଲ ଓ କଲେଜର ସମସ୍ୟା ଦୂର ହୋଇପାରିବ ବୋଲି ରାଜସ୍ୱ ମନ୍ତ୍ରୀ କହିଛନ୍ତି।</p> <p>&amp;nbsp;</p>