ବିଜେଡି ଆଇନ୍‌ଜୀବୀ ସାମୁଖ୍ୟ ହାତ ଛାଡ଼ିବା ପରେ ଅଣ୍ଟା ଭିଡ଼ିଲା ହାଇକୋର୍ଟ ଓକିଲ ସଂଘ

<p>କଟକ (ଓଡ଼ିଶା ରିପୋର୍ଟର): ଆଇନ୍&zwnj;ଜୀବୀଙ୍କ ଆନ୍ଦୋଳନ ଯୋଗୁ ୨ ମାସ ଧରି ଆଇନ୍&zwnj;ସେବାରେ ଅଚଳାବସ୍ଥା ଲାଗି ରହିଛି। ଫଳରେ ବିଚାର ଅପେକ୍ଷାରେ ବନ୍ଦୀ ଜୀବନ ଅତିବାହିତ କରୁଛନ୍ତି ଛୋଟମୋଟ୍&zwnj; ଘଟଣାରେ ଗିରଫ ହୋଇଥିବା ବ୍ୟକ୍ତିମାନେ। ଆଉ ଏପଟେ ଆଇନ୍&zwnj;ଜୀବୀଙ୍କ ଦାବି ଆଗରେ ରାଜ୍ୟ ସରକାର ନାଚାର୍ ହୋଇପଡ଼ିଛନ୍ତି। ଏଭଳି ପରିସ୍ଥିତିରେ ଚାଲ୍&zwnj; ଚଳାଇ ଆଇନଜୀବୀଙ୍କ ଆନ୍ଦୋଳନରେ ଫାଟ ସୃଷ୍ଟି କରାଯାଇଥିବା ଅଭିଯୋଗ ହେଉଛି। କାରଣ ଆନ୍ଦୋଳନକୁ ତୀବ୍ର କରିବାକୁ ଅଣ୍ଟା ଭିଡ଼ିଥିବା ହାଇକୋର୍ଟ ଓକିଲ ସଂଘର ହାତ ଛାଡ଼ିଦେଇଛି ବିଜେଡି ଆଇନଜୀବୀ ସାମ୍ମୁଖ୍ୟ।</p><p>ଗତକାଲି ଭଳି ଆଜି ହାଇକୋର୍ଟ ପରିସରରେ ଆଇନ୍&zwnj;ଜୀବୀଙ୍କ ହୋହଲ୍ଲା, ନାରାବାଜି, ବିକ୍ଷୋଭ ଓ ପୋଡ଼ାଜଳା ଦେଖିବାକୁ ମିଳିଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ବିଜେଡି ଆଇନଜୀବୀ ସାମ୍ମୁଖ୍ୟ ବିରୋଧରେ ସ୍ୱର ଉତ୍ତୋଳନ କରିଛନ୍ତି ହାଇକୋର୍ଟ ବାର୍ ଆସୋସିଏସନ୍ ସଦସ୍ୟ। ଆନ୍ଦୋଳନକୁ ଭଣ୍ଡୁର କରିବା ପାଇଁ ବିଜେଡି ଆଇନଜୀବୀ ସାମ୍ମୁଖ୍ୟ ଓହରି ଯାଇଥିବା ଅଭିଯୋଗ କରାଯାଇଥିବା ବେଳେ ଷ୍ଟେଟ୍ ବାର୍ କାଉନସିଲ୍ ବୈଠକରେ ଆଇନ୍&zwnj;ଜୀବୀଙ୍କ ଦାବି ପୂରଣ କ୍ଷେତ୍ରରେ ରାଜ୍ୟ ସରକାର ପଦକ୍ଷେପ ନିଅନ୍ତୁ ବୋଲି ଦାବି କରାଯାଇଛି।</p><p>ସେପଟେ ବିଜେଡି ଆଇନଜୀବୀ ସାମ୍ମୁଖ୍ୟ କହିଛି, ୨ ମାସ ଧରି ଜାରି ରହିଥିବା ଆନ୍ଦୋଳନ ପଥଭ୍ରଷ୍ଟ ହୋଇଛି। ଆଇନ୍&zwnj;ଜୀବୀଙ୍କୁ ପୁଲିସର ମାଡ଼ ଘଟଣାର ତଦନ୍ତ ଜାରି ରହିଥିବାବେଳେ ଆନ୍ଦୋଳନକୁ ତୀବ୍ର କରିବାର ଯଥାର୍ଥତା ନାହିଁ। ତେଣୁ ଆସନ୍ତାକାଲିଠାରୁ ବିଜେଡି ଆଇନଜୀବୀ ସାମ୍ମୁଖ୍ୟ କାର୍ଯ୍ୟରେ ଯୋଗଦେବ।</p><p>&lt;span style=&quot;color: #ff0000;&quot;&gt;କାଲିଠାରୁ ଜେଲ୍&zwnj;ରେ ଖୋଲିବ କ୍ୟାମ୍ପକୋର୍ଟ&lt;/span&gt;</p><p>ଏପଟେ ହାଇକୋର୍ଟଙ୍କ ନିର୍ଦ୍ଦେଶ ମୁତାବକ ଆସନ୍ତାକାଲିଠାରୁ ରାଜ୍ୟ ବିଭିନ୍ନ ଜେଲ୍ ଗୁଡ଼ିକରେ ଖୋଲିବ କ୍ୟାମ୍ପକୋର୍ଟ। ଏଥିରେ ଛୋଟମୋଟ ମାମଲାରେ ବନ୍ଦୀଥିବା ଲୋକଙ୍କୁ ସର୍ତ୍ତମୂଳକ ଜାମିନ ପ୍ରଦାନ କରାଯିବ। ଏଥିପାଇଁ ଜେଲ୍ ଗୁଡ଼ିକର କର୍ତ୍ତୃପକ୍ଷ ଆନୁସଙ୍ଗିକ ସୁବିଧା ପ୍ରଦାନ କରିବେ। ଆଇନ୍&zwnj;ଜୀବୀଙ୍କ ଆନ୍ଦୋଳନ ଯୋଗୁ ଉପୁଜିଥିବା ଅଭାବନୀୟ ପରିସ୍ଥିତିକୁ ଦେଖି ଗତକାଲି ହାଇକୋର୍ଟ ସମସ୍ତ ଜିଲ୍ଲା ଓ ଦୌରାଜଜ୍&zwnj;ଙ୍କୁ କ୍ୟାମ୍ପକୋର୍ଟ କରିବାକୁ ନିର୍ଦ୍ଦେଶ ଦେଇଥିଲେ। କୋର୍ଟ କାର୍ଯ୍ୟ ଦିବସର ସମୟ ଅନୁଯାୟୀ କ୍ୟାମ୍ପକୋର୍ଟ କରିବାକୁ ନିର୍ଦ୍ଦେଶ ଦେଇଥିଲେ ହାଇକୋର୍ଟ। ଆଉ ନିର୍ଦ୍ଦେଶ ମୁତାବକ ଜେଲ୍ ପରିସରରେ ସମସ୍ତ ପ୍ରସ୍ତୁତି କରାଯାଇଥିବା ଜେଲ୍ କର୍ତ୍ତୃପକ୍ଷ କହିଛନ୍ତି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।