ଓଡ଼ିଶା ହେଲା ଭାରତୀୟ ହକି ଦଳର ନୂଆ ସ୍ପନସର୍‌

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭାରତୀୟ ହକିର ଉଭୟ ପୁରୁଷ ଓ ମହିଳା ଦଳକୁ ମିଳିଛି ନୂଆ ସ୍ପନସର୍&zwnj;। ଏହି ନୂଆ ସ୍ପନସର୍&zwnj; ହୋଇଛି ଓଡ଼ିଶା। ଆଗାମୀ ୫ ବର୍ଷ ପାଇଁ ଓଡ଼ିଶା, ଉଭୟ ପୁରୁଷ ଓ ମହିଳା ହକି ଦଳର ପ୍ରାୟୋଜକ ରହିବ। ନୂଆଦିଲ୍ଲୀରେ ଭାରତୀୟ ଟିମ୍&zwnj;ର ନୂଆ ଜର୍ସି ଉନ୍ମୋଚନ ଉତ୍ସବରେ ଏହି ଘୋଷଣା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ନୂଆ ଜର୍ସିରେ ପ୍ରାୟୋଜକ ହିସାବରେ ଓଡ଼ିଶାର ନାଁ ରହିଛି।</p> <p>ସ୍ପନସର୍&zwnj; ହେବା ପରେ ଏଣିକି ଓଡ଼ିଶା ଟ୍ୟାଗ୍&zwnj;ରେ ପରିଚିତ ହେବ ଭାରତୀୟ ପୁରୁଷ ଓ ମହିଳା ହକି ଟିମ୍। ରାଜ୍ୟରେ କ୍ରୀଡ଼ାର ବିକାଶ ଉଦ୍ୟମ ଅନ୍ତର୍ଗତ ଏହାକୁ ଆଉ ଏକ ବଳିଷ୍ଠ ପଦକ୍ଷେପ ଭାବେ ବିବେଚନା କରାଯାଉଛି। ସେହିପରି ଭାରତୀୟ ହକି ଟିମ୍&zwnj;କୁ ସ୍ପନସର କରିବାରେ ଓଡ଼ିଶା ଦେଶର ପ୍ରଥମ ରାଜ୍ୟ ହୋଇଛି। ଆଜି ନୂଆଦିଲ୍ଲୀରେ ଆୟୋଜିତ ସ୍ୱତନ୍ତ୍ର କାର୍ଯ୍ୟକ୍ରମରେ ମୁଖ୍ୟମନ୍ତ୍ରୀ ଟିମ୍&zwnj;ର ନୂଆ ଜର୍ସି ଉନ୍ମୋଚନ କରିଛନ୍ତି। ଜର୍ସିରେ ଓଡ଼ିଶା- Indias Best Kept Secret&nbsp; ଲେଖାଯାଇଛି। ଜର୍ସି ଉନ୍ମୋଚନ ଉତ୍ସବରେ ଉଭୟ ମହିଳା ଓ ପୁରୁଷ ଟିମ୍ ଓ ସପୋର୍ଟ ଷ୍ଟାଫ୍, ଏଫ୍ଆଇଏଚ୍ ସଭାପତି ନରିନ୍ଦର ବାତ୍ରା ଓ ପୂର୍ବତନ ହକି ଖେଳାଳି ଏବଂ ବିଶିଷ୍ଟ ବ୍ୟକ୍ତିମାନେ ଯୋଗ ଦେଇଥିଲେ।</p> <p>ଚାମ୍ପିୟନସ ଟ୍ରଫି ହକି, ଏସିଆନ ଆଥଲେଟିକ୍ସ ଚାମ୍ପୟନସିପ୍ ଓ ତା&rsquo;ପରେ ହକି ବିଶ୍ୱ ଲିଗ୍। ଗୋଟିକ ପରେ ଗୋଟିଏ ଅନ୍ତର୍ଜାତୀୟ ଟୁର୍ଣ୍ଣାମେଣ୍ଟ ଆୟୋଜନ କରି ଓଡ଼ିଶା ଏହାର ଦକ୍ଷତା ପ୍ରତିପାଦିତ କରିଛି। ଏହାସହ ନଭେମ୍ବର ୨୮ରୁ କଳିଙ୍ଗ ଷ୍ଟାଡିୟମ୍&zwnj;ରେ ଅନୁଷ୍ଠିତ ହେବାକୁ ଯାଉଛି ପୁରୁଷ ହକି ବିଶ୍ୱକପ୍। ତା&rsquo;ପୂର୍ବରୁ ଓଡ଼ିଶା, ଭାରତୀୟ ହକି ଦଳର ପ୍ରୟୋଜକ ହେବା ଓଡ଼ିଶା ଖେଳାଳିଙ୍କୁ ଅଧିକ ଉତ୍ସାହିତ କରିବ ବୋଲି ଆଶା ପ୍ରକାଶ କରିଛନ୍ତି ଟିମ୍ ଇଣ୍ଡିଆର ପୂର୍ବତନ କ୍ୟାପଟେନ୍ ଦିଲ୍ଲୀପ ତିର୍କୀ।</p> <p>ସେପଟେ ହକି ବିଶ୍ୱକପ୍&zwnj;ରେ ଭାଗ ନେବାକୁ ଭୁବନେଶ୍ୱର ଆସିବ ପାକିସ୍ତାନ ଦଳ। ତ୍ରୟୋଦଶ ଦଳ ଭାବେ ପାକିସ୍ତାନ, ବିଶ୍ୱକପ୍ ପାଇଁ ଯୋଗ୍ୟତା ଅର୍ଜନ କରିଛି।</p>