ବନ୍ଧା ହେଲେ ବେଦରଦୀ ବାପା, କଂସ ସାଜି ନେଇଥିଲା ଝିଅର ଜୀବନ

<p>କନ୍ଧମାଳ(ଓଡ଼ିଶା ରିପୋର୍ଟର): କନ୍ଧମାଳ ଜିଲ୍ଲା ମୁଣ୍ଡଳାବାଲି ସାହିରେ ଝିଅକୁ ବାପା କଚାଡ଼ି ମାରିବା ଘଟଣାରେ ଅଭିଯୁକ୍ତ ବାପାକୁ ଦାରିଙ୍ଗବାଡି ପୋଲିସ ଆଜି ଗିରଫ କରିଛି। ନିଶାଶକ୍ତ ଅବସ୍ଥାରେ ନିଜ ୨ ବର୍ଷର ଝିଅକୁ ଅଭିଯୁକ୍ତ ବାପା କଚାଡ଼ି ମାରିଦେଇଥିବା ଅଭିଯୋଗ ହୋଇଛି।</p> <p>ମୃତ ଝିଅର ମାଆ ଅଭିଯୋଗ କରିଛନ୍ତି ଯେ, &nbsp;ତାଙ୍କ ସ୍ୱାମୀ ନିଶାସକ୍ତ ଅବସ୍ଥାରେ ତାଙ୍କୁ ଆକ୍ରମଣ କରିବାକୁ ଉଦ୍ୟମ କରୁଥିଲେ। ଏହି ସମୟରେ ସେ ଘରୁ ବାହାରକୁ ଦୌଡ଼ି ପଳାଉଥିବା ବେଳେ ତାଙ୍କର ୨ ବର୍ଷର ଝିଅ ହାବୁଡ଼ରେ ପଡ଼ିବାରୁ ତାକୁ ତଳେ କଚାଡ଼ି ଦେଇଥିଲେ। ଫଳରେ ଝିଅଟିର ଅବସ୍ଥା ଗୁରୁତର ହୋଇପଡ଼ିଥିଲା। &nbsp;ଝିଅକୁ ସଙ୍ଗେ ସଙ୍ଗେ ଫୁଲବାଣୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ଝିଅଟିର ମୃତ୍ୟୁ ଘଟିଥିଲା।</p>