ଭୁବନେଶ୍ୱରରେ ପୁଣି ଫୁଟିଲା ଗୁଳି, ଜଣେ ଆହତ

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ଭୁବନେଶ୍ୱରରେ ପୁଣି ଏନକାଉଣ୍ଟର ହୋଇଛି। ପୋଲିସ ଗୁଳିରେ ଲକ୍ଷ୍ମୀସାଗର ଅଞ୍ଚଳର ଜନ୍ମେଜୟ ରାଉତ ଆହତ ହୋଇଛନ୍ତି। ତାଙ୍କୁ କ୍ୟାପିଟାଲ୍ ହସ୍ପିଟାଲରେ ଭର୍ତ୍ତି କରାଯାଇଛି।&nbsp; ଜନ୍ମେଜୟ ନାଁରେ ବିଭିନ୍ନ ଥାନାରେ ଅପରାଧିକ ମାମଲା ରହିଛି।</p> <p>ସୂଚନା ଅନୁସାରେ, ଜନ୍ମେଜୟ ତା&rsquo;ର କିଛି ସହଯୋଗୀ ବରଗଡ଼ ଅଞ୍ଚଳରୁ ଜଣେ ଯୁବକଙ୍କୁ ଏକ ବୋଲେରୋରେ ଅପହରଣ କରି ନେଉଥିବା ବେଳେ ଲକ୍ଷ୍ମୀସାଗର ଅଞ୍ଚଳର ୨ଜଣ ଯୁବକ ସେମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ। ତେବେ ଉକ୍ତ ୨ ଯୁବକଙ୍କୁ ଅପହରଣକାରୀମାନେ ମାରଣାସ୍ତ୍ରରେ ଆକ୍ରମଣ କରିବା ଫଳରେ ସେମାନେ ଆହତ ହୋଇଛନ୍ତି। ଅପହରଣ ଖବର ପାଇ ପୋଲିସ ବୋଲେରୋକୁ ପଳାଶୁଣି ପାଖରେ ଅଟକାଇ ୩ଜଣ ଅଭିଯୁକ୍ତଙ୍କୁ ଗିରଫ କରିଥିଲା। ତେବେ ଜନ୍ମେଜୟ କଟକ ବାଇପାସ୍ ରୋଡରେ ଖସି ପଳାଇବାକୁ ଉଦ୍ୟମ କରୁଥିବା ବେଳେ ପୋଲିସ ଗୋଡ଼ାଇ ଗୋଡ଼ାଇ ତାକୁ ଧରିଥିଲା। ଏହି ସମୟରେ ପୋଲିସ୍&zwnj; ଜନ୍ମଜୟ ଉପରେ ଗୁଳିଚାଳନା କରିଥିଲା। ପୋଲିସ ଅଭିଯୁକ୍ତଙ୍କ ଠାରୁ ଗୋଟିଏ ଦେଶୀ ବନ୍ଧୁକ ଓ ଗୁଳି ଜବତ କରିଛି। ଗତକାଲି ଦିନତମାମ ଅପହରଣକାରୀ ଓ ପୋଲିସ ମଧ୍ୟରେ ଛକା ପଞ୍ଝା ଲାଗିରହିଥିଲା</p> <p>ଗତ ମଙ୍ଗଳବାର ପୋଲିସ ଏନକାଉଣ୍ଟରରେ ଦୁର୍ଦ୍ଦାନ୍ତ ଡକାୟତ ହରି ମେଣ୍ଟାଲ ଓ ଲିପୁ ଆହତ ହୋଇଥିଲା।</p>