ବୌଦ୍ଧ(ଭାର୍ଜନ କୁମାର ପ୍ରଧାନ): ବୌଦ୍ଧ ଜିଲ୍ଲା ହରଭଙ୍ଗା ବ୍ଳକ୍ ଅନ୍ତର୍ଗତ ଚାରିଛକ-କୁଶଙ୍ଗ ରାସ୍ତାରେ ଡିଜେ ଗାଡ଼ି ଓଲଟି ଜଣଙ୍କର ମୃତ୍ୟୁ ଘଟିବା ସହ ୫ ଜଣ ଗୁରୁତର ହୋଇଛନ୍ତି। ମୃତକଙ୍କ ନାଁ ସୁନୀଲ ମଲ୍ଲିକ। ତାଙ୍କ ଘର ଉପରକଟା ଗାଁରେ।
ଆହତମାନେ ହେଲେ ତିଳେଶ୍ୱର ଗାଁର ରାଜା ଝଙ୍କାର, ମାଜେଶ ବେହେରା, କରଞ୍ଜକଟା ଗାଁର ଅତିରାତ୍ର ପ୍ରଧାନ ଓ ଉପରକଟା ଗାଁର ସୁନୀଲ ହଂସ। ଆହତଙ୍କୁ ପ୍ରଥମେ ବୌଦ୍ଧ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ପରେ ବୁର୍ଲା ମେଡିକାଲ୍କୁ ସ୍ଥାନାନ୍ତର କରାଯାଇଛି।
ଆଜି ଭୋର ୪ଟାରୁ ୫ଟା ସମୟରେ ଏହି ଦୁର୍ଘଟଣା ଘଟିଥିବା ଜଣାପଡ଼ିଛି। ଘଟଣାସ୍ଥଳରେ ପୁରୁଣାକଟକ ପୁଲିସ୍ ପହଞ୍ଚି ତଦନ୍ତ ଚଳାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
