କିଡ୍‌ନୀ ରାକେଟ କିଙ୍ଗପିନ୍ ହିମାଂଶୁଙ୍କ ନାଁରେ ଆଉ ଏକ ଅଭିଯୋଗ

ଭୁବନେଶ୍ୱର:(ଓଡ଼ିଶା ରିପୋର୍ଟର): କିଡ୍‌ନୀ ଦେବା ନାଁରେ ଆଉ ଏକ ଠକେଇ ଅଭିଯୋଗ ହୋଇଛି।  ମଞ୍ଚେଶ୍ୱର ଥାନାରେ ୧୮ ଲକ୍ଷର ଠକେଇ ଅଭିଯୋଗ କଲେ ଜଣେ ବ୍ୟକ୍ତି। କିଡ୍‌ନୀ ରାକେଟ କିଙ୍ଗପିନ୍ ହିମାଂଶୁ ଭୂଷଣ ନନ୍ଦଙ୍କ ନାଁରେ ଅଭିଯୋଗ ହୋଇଛି।

କିଡ୍‌ନୀ ଠକେଇ ଅଭିଯୋଗରେ ହିମାଂଶୁ ଗିରଫ ହୋଇ ଜେଲରେ ଅଛନ୍ତି। ସୂଚନା ଅନୁଯାୟୀ ପୂର୍ବରୁ ହିମାଂଶୁ ବାଲେଶ୍ୱରର ଜଣଙ୍କଠାରୁ ୫ଲକ୍ଷ ୫୦ ହଜାର ଚୁନ ଲଗାଇଥିବା ବେଳେ ଭୁବନେଶ୍ୱର ଲକ୍ଷ୍ମୀସାଗର ଅଞ୍ଚଳର ଅନ୍ୟ ଜଣେ ରୋଗୀଙ୍କଠୁ ଠକିଛି ୩ଲକ୍ଷ ୧୯ ହଜାର ।

ତେବେ ଏନେଇ କିଡନୀ ଆଶାୟୀ  ଅଭିଯୋଗ କରିବା ପରେ ନୟାପଲ୍ଲୀ ପୁଲିସ ହିମାଂଶୁକୁ ଗିରଫ କରିବା ସହ ଘଟଣାର ଖୋଳତାଡ କରୁଛି। ନକଲି କାଗଜପତ୍ର ଜରିଆରେ ଲୋକଙ୍କୁ  ଠକିବାର ଜାଲ ବିଛାଇଥିଲା ହିମାଂଶୁ  । କିଡନୀ ଯୋଗାଇ ଦେବାକୁ ସେ ବାଲେଶ୍ୱର ରୁପସା ଅଞ୍ଚଳର ପ୍ରତାପ ମିଶ୍ରଙ୍କଠୁ ୫ ଲକ୍ଷ ୫୦ ହଜାର ଟଙ୍କା ନେଇଥିବା ବେଳେ ଭୁବନେଶ୍ୱର ଲକ୍ଷ୍ମୀସାଗରର ତରୁଲତା ମିଶ୍ରଙ୍କୁ ଠକିଛି ୩ଲକ୍ଷ ୧୯ହଜାର।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।