ରାଉରକେଲା(ସତ୍ୟାନନ୍ଦ ମହାନ୍ତି): ବ୍ରାହ୍ମଣୀତରଙ୍ଗ ଚକଟମାଟି ନିକଟ ଶଙ୍ଖ ନଦୀରେ ଅଘଟଣ ଘଟିଛି। ଗାଧୋଇବା ବେଳେ ପାଣିରେ ବୁଡ଼ି ଜଣେ ଯୁବକଙ୍କ ମୃତ୍ୟୁ ଘଟିଛି। ଅନ୍ୟ ୨ ଯୁବକଙ୍କୁ ଉଦ୍ଧାର କଲେ ସ୍ଥାନୀୟ ଲୋକ ଓ ଅଗ୍ନିଶମ ବାହିନୀ। ସେହିପରି ୨୨ ବର୍ଷୀୟ ଯୁବକର ମୃତ ଶରୀରକୁ ଫାୟାର ବ୍ରିଗେଡ଼ ଟିମ ଉଦ୍ଧାର କରିଛି । ମୃତକ ଜଣକ ରାଉରକେଲା ମଧୁସୂଦନ ପାଲିର ବୋଲି ସୂଚନା ମିଳିଛି।
ପିକନିକରେ ଆସି ସାଙ୍ଗ ମାନଙ୍କ ସହ ଗାଧୋଉଥିବା ବେଳେ ବୁଡିଯାଇଥିବା ସୂଚନା ମିଳିଛି । ଫାୟାର ବ୍ରିଗେଡ ଟିମ ନଦୀ କୂଳରେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି । ଖବର ପାଇ ବ୍ରହ୍ମଣୀ ତରଙ୍ଗ ଥାନା ପୋଲିସ ମଧ୍ୟ ସେଠାରେ ପହଞ୍ଚିଛନ୍ତି । ରାଉରକେଲାର ଶଙ୍ଖ , କୋଏଲ ଏବଂ ବ୍ରହ୍ମଣୀ ନଦୀରେ ବୁଡି ଚଳିତ ପିକନିକ ଋତୁରେ ୭ ଜଣରୁ ଅଧିକ ଯୁବକ ପ୍ରାଣ ହରାଇଥିବା ବେଳେ ପିକନିକ ସ୍ଥଳୀ ପ୍ରଶାସନ ଲାଗି ଚିନ୍ତାର ବିଷୟ ହୋଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
