କଟକ(ଓଡ଼ିଶା ରିପୋର୍ଟର): କଟକ ତ୍ରିଶୁଳିଆ ନେତାଜୀ ସେତୁ ଉପରେ ଗତକାଲି ବିଳମ୍ବିତ ରାତିରେ ଏକ ଦୁର୍ଘଟଣା ଘଟିଯାଇଛି । କଟକରୁ ଭୁବନେଶ୍ୱର ଯାଉଥିବା ଏକ ଡମ୍ଫର ସହ ବାରଙ୍ଗରୁ କଟକ ଆସୁଥିବା ଏକ କାର୍ ମଧ୍ୟରେ ମୁହାଁମୁହିଁ ଧକ୍କା ହୋଇଥିଲା । ଏହି ଦୁର୍ଘଟଣାରେ କାର୍ ଚାଳକ ବହୁ ସମୟ ପର୍ଯ୍ୟନ୍ତ ଚାପି ହୋଇ ଗୁରୁତର ହୋଇଛନ୍ତି।
ଖବର ପାଇ କଟକ ଓ ବାରଙ୍ଗରୁ ଦୁଇଟି ଦମକଳ ଗାଡି ଘଟଣାସ୍ଥଳରେ ପହଞ୍ଚିଥିଲା। କାରର କିଛି ଅଂଶ ଡମ୍ଫର ଭିତରେ ପଶିଯାଇଥିବାରୁୁ ଉଭୟ ଗାଡିର କିଛି ଅଂଶକୁ କାଟି ଅଲଗା କରାଯାଇଥିଲା। ପରେ ଆହତ ଗାଡି ଚାଳକଙ୍କୁ ଚିକିତ୍ସା ପାଇଁ ହସ୍ପିଟାଲକୁ ନିଆଯାଇଥିଲା।