ଓଡ଼ିଶାର ଏଇ ପଡ଼ିଆ ତିଆରି କରିଛି ଜାତୀୟ ଅନ୍ତର୍ଜାତୀୟ ସ୍ତରର ବହୁ ହକି ଖେଳାଳି

<p>&lt;strong&gt;ରାଉରକେଲା (ପୱନ ତିୱାରୀ)&lt;/strong&gt;&lt;strong&gt;:&lt;/strong&gt; ସୁନ୍ଦରଗଡ଼ ଜିଲ୍ଳା ପାନପୋଷ ହକି ଛାତ୍ରାବାସର ଏକ ସ୍ୱତନ୍ତ୍ର ପରିଚୟ ସମଗ୍ର ବିଶ୍ୱରେ ହୋଇପାରିଛି। ଏହାର ମୁଖ୍ୟ କାରଣ ହେଉଛି ଏଠାରେ ଥିବା ପଡିଆ। ଯେଉଁଠାରେ ଅନେକ ଷ୍ଟାର ଖେଳାଳୀ ନିଜର ଭାଗ୍ୟ ତିଆରି କରିଛନ୍ତି। ଏଇ ପଡ଼ିଆ ସେମାନଙ୍କୁ ଖେଳାଳି ଭାବେ ଜନ୍ମ ଦେଇଛି। ବୁଲେଇ ବଙ୍କେଇ କହିଲେ, ଓଡିଶା ମାଟିର ନାଁକୁ ଏହି ହକି ପଡ଼ିଆ ହିଁ ବିଶ୍ୱ ଦରବାରରେ ପହଞ୍ଚାଇ ପାରିଛି। ବର୍ଷ ତମାମ ଏହି ପଡିଆରେ ଚାଲେ ଏମିତି କସରତ। ଅଗଣିତ ଖେଳାଳୀ ଏହି ପଡିଆରୁ ଯାଇ ନ୍ୟାସନାଲ, ଇଣ୍ଟରନ୍ୟାସନାଲ, ୱାର୍ଲଡ କପ୍ ହକି ଭଳି ମ୍ୟାଚ୍&zwnj;ରେ ନିଜର ଯାଦୁ ଦେଖାଇଛନ୍ତି। ପାନପୋଷଠାରେ ଥିବା ଦୁଇଟି ପଡିଆ ଏହାର ମୁଖସାଖୀ ହୋଇ ରହିଛନ୍ତି।</p> <p>ଚଳିତ ସିଜିନରେ ଭାରତୀୟ ଦଳରେ ଏହି ଛାତ୍ରାବାସର ଦୁଇଜଣ ଖେଳାଳୀ ସାମିଲ ହୋଇଛନ୍ତି। ଦୀପ୍&zwnj;ସାନ ତିର୍କୀ ଓ ଅମିତ ରୋହିଦାସ। କେବଳ ଯେ ଏ ଦୁଇଜଣ ନୁହନ୍ତି, ଏ ପଡ଼ିଆ ଆାଜିଯାଏଁ ୫୭ ଜଣ ଇଣ୍ଟରନ୍ୟାସନାଲ ଖେଳାଳୀ ତିଆରି କରିପାରିଛି।</p> <p>ଏଠାରେ ରହିଛି ଦୁଇଟି ପଡିଆ। ଗୋଟିଏ ୧୯୯୩-୯୪ ମସିହାରେ ତିଆରି ହୋଇଥିବା ବେଳେ ଅନ୍ୟଟି ୨୦୧୨-୧୩ ମସିହାରେ ତିଆରି ହୋଇଥିଲା। ଏହି ଫିଲ୍&zwnj;ଡକୁ ହକି ପାଇଁ ବିଶ୍ୱସ୍ତରୀୟ ପଡିଆର ମାନ୍ୟତା ମିଳିଛି। ଏ ପଡିଆ ଏମିତି ହଜାର ହଜାର ହକି ଖେଳାଳୀଙ୍କୁ ଜନ୍ମ ଦେଇପାରିଛି। ପାନପୋଷ ହକି ଛାତ୍ରାବାସରେ ଥିବା ଏ ଦୁଇଟି ପଡିଆ ଏବେ ରହିଛି ଓଡ଼ିଶା ସରକାରଙ୍କ ସ୍ପୋର୍ଟସ ଆଣ୍ଡ ୟୁଥ ସର୍ଭିସେସ୍ ବିଭାଗ ଅଧୀନରେ।</p>