ପାରଳାଖେମୁଣ୍ଡି: ପାରଳା ପ୍ୟାଲେସ ଗଣ ଆତ୍ମହତ୍ୟା ମାମଲାରେ ପାରଳାଖେମୁଣ୍ଡି ମହାରାଜା ଗୋପୀନାଥ ଗଜପତିଙ୍କ ପୂର୍ବତନ ମ୍ୟାନେଜର ଅନଙ୍ଗ ମଞ୍ଜରୀଙ୍କ ସଂପର୍କୀୟମାନେ ଆଜି ରାଜ୍ୟ ମାନବାଧିକାର କମିଶନଙ୍କ ଦ୍ୱାରସ୍ଥ ହୋଇଛନ୍ତି। ଅନଙ୍ଗ ମଞ୍ଜରୀଙ୍କ ଭାଇ, ଦୁଇ ଭଉଣୀ ଓ ଭିଣୋଇ ଆଜି ଭୁବନେଶ୍ୱର ଆସି ଏସଆଇଟି ତଦନ୍ତ ଶିଥିଳ ହେଉଥିବା କମିଶନଙ୍କ ନିକଟରେ ଅଭିଯୋଗ କରିଛନ୍ତି। ତଦନ୍ତ ପ୍ରକ୍ରିୟା ତ୍ୱରାନିତ୍ୱ କରିବା ପାଇଁ ସେମାନେ ଦାବି କରିଛନ୍ତି।
ପାରଳା ପ୍ୟାଲେସ ମ୍ୟାନେଜର ଅନଙ୍ଗ ମଞ୍ଜରୀ ପାତ୍ରଙ୍କ ସମେତ ୪ ଭାଇଭଉଣୀଙ୍କ ଆତ୍ମହତ୍ୟା ଘଟଣାର ତଦନ୍ତ କରୁଛି କ୍ରାଇମବ୍ରାଞ୍ଚ ଏସଆଇଟି। ସୁଇସାଇଡାଲ ନୋଟ୍ ଯାଞ୍ଚ କରିବା ସହ ତଦନ୍ତ ସମୟରେ ବିଭିନ୍ନ ବ୍ୟକ୍ତି ବିଶେଷଙ୍କ ବୟାନ ରେକର୍ଡ କରାଯାଇଛି।