ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ବଲାଙ୍ଗିର(ଓଡ଼ିଶା ରିପୋର୍ଟର): ପାଟଣାଗଡ଼ ପାର୍ସଲବୋମା ବିସ୍ଫୋରଣ ପଛରେ ପ୍ରେମ ସମ୍ପର୍କ! ବର୍ଷକ ତଳୁ ବର ସୌମ୍ୟଶେଖରଙ୍କ ପାଖକୁ ଆସିଥିଲା ହତ୍ୟା ଧମକ କଲ୍‌। ବିବାହ ଠିକ୍ ହୋଇଥିବା ଯୁବତୀ ରୀନାଙ୍କୁ ବାହା ହେଲେ ଫଳାଫଳ ଭୟାନକ ହେବ ବୋଲି ଧମକପୂର୍ଣ୍ଣ କଲ୍‌ ସୌମ୍ୟ ଶେଖରଙ୍କ ପାଖକୁ ଆସିଥିଲା। ପୋଲିସର ଖୋଳତାଡ଼ ବେଳେ ତାଙ୍କ ସଂପର୍କୀୟ ଭଣଜା ପପୁ ଏହି ସୂଚନା ଦେଇଥିବା ସୌମ୍ୟଙ୍କ ବାପା ଆଜି ଗଣମାଧ୍ୟମକୁ କହିଛନ୍ତି।</p> <p>ସୌମ୍ୟଙ୍କ ବାପା କହିଛନ୍ତି-“ଗତବର୍ଷ ମାର୍ଚ୍ଚ ମାସରେ ସୌମ୍ୟ-ରୀନାଙ୍କ ନିର୍ବନ୍ଧ ହୋଇଥିଲା। ନିର୍ବନ୍ଧର କିଛି ଦିନରେ ଏହି ଧମକପୂର୍ଣ୍ଣ କଲ ଆସିଥିଲା। ଫୋନ୍‌ କରିଥିବା ବ୍ୟକ୍ତି ଜଣକ ଉପକୂଳିଆ ଓଡ଼ିଆ ଭାଷାରେ କଥା ହେଉଥିଲେ। ଏ ସମ୍ପର୍କରେ ସୌମ୍ୟଶେଖର ତାଙ୍କ ସମ୍ପର୍କୀୟ ପୁତୁରା ପପୁକୁ କହିଥିଲେ। ଆଉଥରେ ଫୋନ୍‌ ଆସିଲେ ମୋତେ ଦେବ ବୋଲି ସେହି ସମୟରେ ପପୁ, ସୌମ୍ୟଙ୍କୁ କହିଥିଲେ।”</p> <p>ଗତ ୧୮ ତାରିଖରେ ସୌମ୍ୟଶେଖରଙ୍କ ସହ ରୀମାଙ୍କ ବିବାହ ହୋଇଥିଲା। ତେବେ ୨୩ ତାରିଖ ଦିନ ଗିଫ୍ଟ ବାକ୍ସ ଖୋଲୁ ଖୋଲୁ ଭୟଙ୍କର ବିସ୍ଫୋରଣ ହୋଇଥିଲା। ଘଟଣାସ୍ଥଳରେ ଜେଜେମାଆଙ୍କର ମୃତ୍ୟୁ ଘଟିଥିବା ବେଳେ ଡାକ୍ତରଖାନାରେ ସୌମ୍ୟଙ୍କର ମୃତ୍ୟୁ ଘଟିଥିଲା। ଏବେ ରୀନା ଗୁରୁତର ଆହତ ହୋଇ କଟକ ମଡ଼ ମେଡ଼ିକାଲରେ ଚିକିତ୍ସିତ ହେଉଛନ୍ତି। ଶନିବାର ପୋଲିସ ତାଙ୍କର ବୟାନ ରେକର୍ଡ଼ କରିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
