ପାଟକୁରା: ସଡକ ଦୁର୍ଘଟଣାରେ ଜଣେ ମୃତ

ପାଟକୁରା: ଗରଦପୁର-ନୂଆପଡା ରାସ୍ତାରେ ମଙ୍ଗଳବାର ଭୋର ୫ ଟାରେ ଏକ ସଡକ ଦୁର୍ଘଟଣା ଘଟିଛି। ତିର୍ତ୍ତୋଲରୁ ଆସୁଥିବା ଏକ ମାଲବାହୀ ଟ୍ରକ ଗୋବାରା ଛକ ନିକଟରେ ଏକ ବାଇକକୁ ଧକ୍କା ଦେବାଫଳରେ ଘଟଣା ସ୍ଥଳରେ ମାଣ୍ଡିଆ ଗ୍ରାମର ଯୁବତୀ ପିଙ୍କିନା ସେଠୀ (୨୨)ଙ୍କ ମୃତ୍ୟୁ ଘଟିଛି।ଦୁର୍ଘଟଣା କରିଥିବା ଗାଡି ଚାଳକ ପ୍ରଶାନ୍ତ ବେହେରା ଓ ସୁଶାନ୍ତ ନାୟକଙ୍କୁ ପାଟକୁରା ପୋଲିସ ଗିରଫ କରିଛି। ଦୁର୍ଘଟଣାରେ ଗୁରୁତର ହୋଇଥିବା ମୃତକ ଯୁବତୀଙ୍କ ସ୍ୱାମୀକୁ ଡାକ୍ତରଖାନା ପଠାଇ ଦିଆଯାଇଥିଲା। ଖବର ପାଇ ପାଟକୁରା ପୋଲିସ ଘଟଣା ସ୍ଥଳରେ ପହଞ୍ଚି ମୃତ ଶବକୁ ବ୍ୟବଚ୍ଛେଦ ପାଇଁ ପଠାଇଛି। ଦୁର୍ଘଟଣା ଘଟାଇଥିବା ଟ୍ରକକୁ ପୋଲିସ ଜବତ କରିବା ସହ ଏକ ମାମଲା ରୁଜୁ କରିଛି।