ଭୁବନେଶ୍ୱର(ଓଡ଼ିଶା ରିପୋର୍ଟର) ତିର୍ତ୍ତୋଲ ହେଉ କି ବାଲେଶ୍ୱର, ପ୍ରାର୍ଥୀଙ୍କ ସହ ଷ୍ଟାର କ୍ୟାମ୍ପେନର, ସମସ୍ତେ ଚଳାଇଛନ୍ତି ଦମଦାର ପ୍ରଚାର । ଆଜି ମୁଖ୍ୟମନ୍ତ୍ରୀ ତିର୍ତ୍ତୋଲରେ ଭର୍ଚୁଆଲ୍ କ୍ୟାମ୍ପେନିଂ କରି ସେଠାକାର ଲୋକଙ୍କ ପାଇଁ ତାଙ୍କ ସରକାର କଣ ସବୁ ପଦକ୍ଷେପ ନେଇଛନ୍ତି ସେ ସମ୍ପର୍କରେ ବଖାଣିବା ସହ ବିଜେଡି ପ୍ରାର୍ଥୀଙ୍କ ପାଇଁ ଭୋଟ୍ ମାଗିଥିଲେ । ଆସନ୍ତାକାଲି ବାଲେଶ୍ୱରରେ ରହିଛି ତାଙ୍କର ସମାନ କାଯର୍ୟକ୍ରମ । ତେବେ ସିଧାସଳଖ ପ୍ରଚାର ମୈଦାନକୁ ନ ଓହ୍ଲାଇ ନବୀନଙ୍କ ଏହି ଡିଜିଟାଲ ରାଲିକୁ କଂଗ୍ରେସ ସମାଲୋଚନା କରିବା ସହ ନିଜ ନିଜର ପ୍ରଚାର ଅଭିଯାନକୁ ବି ଆହୁରି ଶାଣିତ କରିଛନ୍ତି।
https://twitter.com/NPatnaikOdisha/status/1321439413579075587?s=20
ମୁଖ୍ୟମନ୍ତ୍ରୀ ଆଜି ତିର୍ତ୍ତୋଲରେ ଡିଜିଟାଲ୍ କ୍ୟାମ୍ପେନ୍ କରି ଦଳୀୟ ପ୍ରାର୍ଥୀ ବିଜୟ ଶଙ୍କର ଦାସଙ୍କ ଲାଗି ମାଗିଛନ୍ତି ଭୋଟ୍ । ଅପରାହ୍ନ ସାଢ଼େ ୪ଟାରେ ନବୀନ ଭର୍ଚୁଆଲ୍ ମିଟିଂ କରି କରୋନା କଟକଣା ଯୋଗୁଁ ପ୍ରଚାର ପାଇଁ ଯାଇପାରିନଥିବା କହିଥିଲେ । ତାସହ ତିର୍ତ୍ତୋଲ ଅଞ୍ଚଳରେ ବନ୍ୟା ନିୟନ୍ତ୍ରଣ ପାଇଁ ତାଙ୍କ ସରକାର ନେଇଥିବା ପଦକ୍ଷେପ ସହ ଯୁବକ ଯୁବତୀଙ୍କ ପାଇଁ ରୋଜଗାର ସୁଯୋଗ ସୃଷ୍ଟିକୁ ପ୍ରାଧାନ୍ୟ ଓ ମିଶନ ଶକ୍ତିରେ ମହିଳାମାନେ ଭଲ କାମ କରିଥିବା କହିଥିଲେ।
ବିଜେଡି ଭଳି ତିର୍ତ୍ତୋଲରେ ବିଜେପି ଓ କଂଗ୍ରେସ ବି ନିଜ ନିଜ ପ୍ରଚାର ଅଭିଯାନକୁ ଆହୁରି ଶାଣିତ କରିଛନ୍ତି । ବିଜେପି ପ୍ରାର୍ଥୀ ରାଜକିଶୋର ବେହେରାଙ୍କ ପାଇଁ ରଘୁନାଥପୁରରେ ପ୍ରଚାର କରିଛନ୍ତି ସାଂସଦ ଅଶ୍ୱିନୀ ବୈଷ୍ଣବ। ମୋଦି ସରକାରଙ୍କର ଜନହିତକର କାମକୁ ସେ ଲୋକଙ୍କ ସାମ୍ନାରେ ରଖିବା ସହ ଦଳୀୟ ପ୍ରାର୍ଥୀଙ୍କୁ ବିଜୟୀ କରାଇବାକୁ ଦେଇଛନ୍ତି ଆହ୍ୱାନ କଂଗ୍ରେସ ପକ୍ଷରୁ ଉଭୟ ପ୍ରାର୍ଥୀ ଓ ଷ୍ଟାର କ୍ୟାମ୍ପେନର । ସମସ୍ତେ ପ୍ରଚାରକୁ ତୀବ୍ର କରିଛନ୍ତି । ତିର୍ତ୍ତୋଲ ଓ ରଘୁନାଥପୁରରେ ଦଳ ପକ୍ଷରୁ ହୋଇଛି ଜୋରଦାର କ୍ୟାମ୍ପେନିଂ । ତେବେ ପୂର୍ବ ନିର୍ବାନମାନଙ୍କରେ ନବୀନ ସିଧାସଳଖ ପ୍ରଚାରକୁ ଯାଉଥିବା ବେଳେ ଗତ ସାଧାରଣ ନିର୍ବାନରେ ବସ୍ରେ ବୁଲି ପ୍ରଚାର କରିଥିଲେ । ହେଲେ ଏଥରର ଭର୍ଚୁଆଲ୍ କ୍ୟାମ୍ପେନିଂ ବିରୋଧୀଙ୍କୁ ସମାଲୋନାର ସୁଯୋଗ ଦେଇଛି।
ଉପନିର୍ବାଚନ ପୂର୍ବରୁ ମୁଖ୍ୟମନ୍ତ୍ରୀଙ୍କୁ କିଛି ପ୍ରଶ୍ନ ପଚାରିଛନ୍ତି ପିସିସି ସଭାପତି ନିରଞ୍ଜନ ପଟ୍ଟନାୟକ । (୧)କରୋନା ମହାମାରୀ ସମୟରେ ନିଜେ ଲୋକଙ୍କ ପାଖକୁ ନଯାଇ, ଘରେ ସୁରକ୍ଷିତ ରହି ଭର୍ଚୁଆଲ୍ ରାଲିରେ ଲୋକଙ୍କୁ ଏକାଠି କରି ବିପଦ ମୁହଁକୁ ଠେଲୁଛନ୍ତି । (୨)କଣ ଜନସାଧାରଣଙ୍କ ଜୀବନ ମୂଲ୍ୟବାନ ନୁହେଁ କି ବୋଲି ପ୍ରଶ୍ନ କରିଛନ୍ତ ନିରଞ୍ଜନ । (୩)ଓଡ଼ିଶାରେ ମାସ୍କରୁ ଭେଣ୍ଟିଲେଟର କିଣାରେ କୋଟି କୋଟି ଟଙ୍କାର ଦୁର୍ନୀତି ହୋଇଛି ଓ ଉପରୁ ତଳ ଯାଏଁ ସମସ୍ତେ ସଂପୃକ୍ତ ଅଛନ୍ତି । (୪)ଏଭଳି ସ୍ଥିତିରେ କୋଟି କୋଟି ଟଙ୍କା ଖର୍ଚ୍ଚ କରି କିଭଳି ମୁଖ୍ୟମନ୍ତ୍ରୀ ନିର୍ବାଚନ ଲଢୁଛନ୍ତି ବୋଲି ସେ ପ୍ରଶ୍ନ କରିଛନ୍ତି । (୫) ଅତ୍ୟାବଶ୍ୟକ ସାମଗ୍ରୀର ଦର ବୃଦ୍ଧି, ତୈଳ ଦର ବୃଦ୍ଧି ଓ କେନ୍ଦ୍ରରୁ ଜିଏସଟିପ୍ରାପ୍ୟ ବାବଦ ଅର୍ଥ ନମିଳିବା ନେଇ ଚୁପ୍ ରହିବାକୁ ନେଇ ପ୍ରଶ୍ନ କରିବା ସହ ରାଜ୍ୟରେ ବେକାରୀ ସମସ୍ୟା ବୃଦ୍ଧି, ମହିଳା ସୁରକ୍ଷା ନେଇ କଣ କରିଛ ବୋଲି ପ୍ରଶ୍ନ କରିଛନ୍ତି ନିରଞ୍ଜନ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
