ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ(ମଧୁସୂଦନ ମିଶ୍ର): ‘ଫୋନି’ ପୁରୀ ଜିଲ୍ଲାରେ ବ୍ୟାପକ କ୍ଷତି ଘଟାଇଛି। ବହୁ ଗଛ ଓ ବିଦ୍ୟୁତ୍ ଖୁଣ୍ଟ ଉପୁଡ଼ି ପଡ଼ିଥିବା ବେଳେ ବହୁ ଘର ମଧ୍ୟ ଭାଙ୍ଗିଛି। କାହା ଘରର ଛପର ଉଡ଼ି ଯାଇଛି ତ କାହାର ଗଛ ପଡ଼ି ଘର ଭାଙ୍ଗି ଯାଇଛି। ଫଳରେ ଜିଲ୍ଲାର ବହୁ ଅଞ୍ଚଳରେ ଲୋକେ ବାସହରା ହୋଇଯାଇଛନ୍ତି। ସେମାନଙ୍କ ପାଖରେ ମୁଣ୍ଡ ଗୁଞ୍ଜିବାକୁ ସ୍ଥାନ ନଥିବା ବେଳେ ଖାଇବାକୁ ମଧ୍ୟ ଦାନା ନାହିଁ। ଏମିତି ସ୍ଥିତିରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁରୀ ଜିଲ୍ଲା ପେଣ୍ଠକଟା ନିକଟରେ ଲୋକଙ୍କୁ ରିଲିଫ୍ ବାଣ୍ଟିଥିଲେ। ଲୋକମାନଙ୍କୁ ଚାଉଳ ଓ ଟଙ୍କା ଦିଆଯାଇଥିଲା। ହେଲେ ଏହି ରିଲିଫ୍ ବିପନ୍ନଙ୍କ ମୁହଁରେ ହସ ଫୁଟାଇ ପାରିନି। ଓଲଟା ଏହାକୁ ନେଇ ଏବେ ପ୍ରବଳ ଅସନ୍ତୋଷ ଦେଖାଦେଇଛି। କାରଣ ରିଲିଫ୍‌ରେ ସେମାନଙ୍କୁ ପୋକରା ଚାଉଳ ଦିଆଯାଇଥିବା ଲୋକେ ଅଭିଯୋଗ କରିଛନ୍ତି।</p> <p>(image) ବାତ୍ୟା ବିପନ୍ନମାନେ ଅଭିଯୋଗ କରିଛନ୍ତି ଯେ, ରିଲିଫ୍‌ରେ ମିଳିଥିବା ଚାଉଳ ପୋକରା। ଏଥିରୁ ଦୁର୍ଗନ୍ଧ ମଧ୍ୟ ବାହାରୁଛି। ଏହାକୁ ଖାଇ ହେବ ନାହିଁ। ଏପରିକି ଲୋକେ ରିଲିଫ୍‌ରେ ମିଳିଥିବା ଚାଉଳକୁ ଧରି ବିକ୍ଷୋଭ ପ୍ରଦର୍ଶନ କରିଛନ୍ତି।</p> <p>ଏନେଇ ଜଣେ ବାତ୍ୟା ବିପନ୍ନ କହିଛନ୍ତି,“ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆମକୁ ବିଷ ଖାଇବାକୁ ଦେଉଛନ୍ତି। ତା’ପରେ କହୁଛନ୍ତି ଆପଣମାନେ ଖୁସି ତ। ଏହି ଚାଉଳରୁ ଗନ୍ଧ ବାହାରୁଛି। ଆମେ ମୂଲ ଲାଗୁଛୁ ସତ, ହେଲେ ଏ ଚାଉଳ ଆମେ ଖାଇବୁନି।”</p> <p>(image) କେବଳ ପେଣ୍ଠକଟା ନୁହେଁ, ପୁରୀ ଜିଲ୍ଲାର ବିଭିନ୍ନ ଅଞ୍ଚଳରେ ରିଲିଫ୍ ବଣ୍ଟାକୁ ନେଇ ଲୋକେ ଅସନ୍ତୋଷ ପ୍ରକାଶ କରିଛନ୍ତି।</p> <p>ପୋକରା ଚାଉଳ ପ୍ରସଙ୍ଗରେ ପୁରୀ ଜିଲ୍ଲାପାଳ ଜ୍ୟୋତିପ୍ରକାଶ ଦାସ ସିଧାସଳଖ କୌଣସି ପ୍ରତିକ୍ରିୟା ଦେଇ ନାହାନ୍ତି। ତେବେ ଜିଲ୍ଲାରେ ରିଲିଫ୍ ବଣ୍ଟାକୁ ନେଇ ଦେଖା ଦେଇଥିବା ଅସନ୍ତୋଷକୁ ସମାଧାନ କରିବାକୁ ଚେଷ୍ଟା କରାଯାଉଥିବା ସେ କହିଛନ୍ତି।</p> <p>https://www.youtube.com/watch?v=MgybcEfUXeI</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
