ପାଇଖାନାରେ ସଂସାର

<p>ଢେଙ୍କାନାଳ (ଓଡ଼ିଶା ରିପୋର୍ଟର): ଗରିବ ଖଟିଖିଆଙ୍କୁ ଘର ଯୋଗାଇ ଦେବାକୁ ସରକାର ବିଭିନ୍ନ ଯୋଜନା କରୁଛନ୍ତି। ଅସହାୟ ଲୋକଙ୍କୁ ଆର୍ଥିକ ସୁବିଧା ମଧ୍ୟ ଦେଉଛନ୍ତି। ହେଲେ ଢେଙ୍କାନାଳ ଜିଲ୍ଲା କାମାକ୍ଷାନଗର ବ୍ଲକ ମହୁଲପାଳ ପଞ୍ଚାୟତ ମୋଟା ଗାଁର କୁଣ୍ଡି ରାଉତଙ୍କ ପାଇଁ ଏହା ସାତ ସପନ ପାଲଟିଛି। ପକେଟ୍&zwnj; ଖାଲି ଥିବାରୁ କୁଣ୍ଡି ଏବେ ପାଇଖାନାରେ ରହୁଥିବା ଅଭିଯୋଗ ହୋଇଛି।</p> <p>ଅଭିଯୋଗ ଅନୁସାରେ କୁଣ୍ଡିଙ୍କ ଘର ଭାଙ୍ଗି ଯାଇଛି। ଏହାର ମରାମତି କରିବାକୁ ପାଖରେ ପଇସା ନାହିଁ। ଘର ଖଣ୍ଡେ ପାଇଁ ପଞ୍ଚାୟତ କାର୍ଯ୍ୟାଳୟଠାରୁ ଆରମ୍ଭ କରି ବ୍ଲକ ପର୍ଯ୍ୟନ୍ତ ଦୌଡି ଦୌଡି ଥକି ଗଲେଣି। ହେଲେ କେହି ତାଙ୍କ ଗୁହାରୀ ଶୁଣୁନାହାନ୍ତି। ଏପରିସ୍ଥିତିରେ ନିରୂପାୟ ହୋଇ କୁଣ୍ଡି ଏବେ ନିଜ ପାଇଖାନକୁ ଆସାରା ନେଇଛନ୍ତି। ଏବେ ଘରେ ନୁହେଁ ନିତ୍ୟ ବ୍ୟବହାର ଜିନିଷ ରହିଛି ପାଇଖାନାରେ। ଏହାସହ ରୋଷେଇ ସରଞ୍ଜାମ ମଧ୍ୟ ରହିଛି। କୁଣ୍ଡି ବାହାରେ ରୋଷେଇ କରୁଛନ୍ତି ଆଉ ପାଇଖାନାରେ ଖାଉଛନ୍ତି। ଯେଉଁଠି ଦିନେ ସେ ଶୌଚ ହେଉଥିଲେ, ତାହା ଏବେ ତାଙ୍କ ଶୋଇବା ଓ ଖାଇବା ଘରରେ ପରିଣତ ହୋଇଛି।</p> <p>କୁଣ୍ଡିଙ୍କ ଅବସ୍ଥା ରାଜ୍ୟରେ ଗରିବୀକୁ ପୁଣି ଥରେ ପଦାରେ ପକାଇ ଦେଇଛି। ଲୋକଙ୍କୁ ସର୍ବନିମ୍ନ ସୁବିଧା ଯୋଗାଇ ଦେବାରେ ହେଳା କରାଯାଉ ନଥିବା ରାଜ୍ୟ ସରକାର ଡିଣ୍ଡିମ ପିଟୁଛନ୍ତି। ହେଲେ କୁଣ୍ଡିଙ୍କ ଆର୍ଥିକ ସ୍ଥିତି ସରକାରଙ୍କ ପାରିବା ପଣିବାକୁ ପଦାରେ ପକାଇଥିବ ଅଭିଯୋଗ ହେଉଛି।</p> <p>କିଛିଦିନ ପୂର୍ବେ ଠିକ୍&zwnj; ଏପରି ଏକ ଅଭିଯୋଗ ଆସିଥିଲା କେନ୍ଦୁଝର ଜିଲ୍ଲା ରାଇସଆ ପଞ୍ଚାୟତ ହର୍ଷପୁର ଗାଁରୁ। ଗାଁର ୭୦ ବର୍ଷିୟ ନାକୁ ନାଏକ ଏବଂ ତାଙ୍କ ପତ୍ନୀ ସୁମତିଙ୍କୁ ରହିବାକୁ ପଡୁଥିଲା ପାଇଖାନାରେ।</p>