କିନ୍ନର କରୁଥିଲେ ବ୍ରାଉନ୍‌ ସୁଗର ବେପାର

ବାଲେଶ୍ୱର(ଓଡ଼ିଶା ରିପୋର୍ଟର): କିନ୍ନର କରୁଥିଲେ ବ୍ରାଉନ୍‌ ସୁଗର ବେପାର। ପାଟ୍ରୋଲିଂ କରୁଥିବା ପୁଲିସ ତାଙ୍କୁ ଗିରଫ କରିଥିବା ବେଳେ ୭ ଲକ୍ଷ ଟଙ୍କାର ବ୍ରାଉନ୍‌ ସୁଗର ଜବତ କରିଛି। ବାଲେଶ୍ୱର ଶିଳ୍ପାଞ୍ଚଳ ଥାନା ଅଞ୍ଚଳରୁ ଆସିଛି ଏପରି ଖବର।

ଖୋର୍ଦ୍ଧା ଜିଲ୍ଲା ବାଣପୁର ରବି ବେହେରା ଓରଫ ରାକ୍ଷୀ କିନ୍ନର ବ୍ରାଉନ୍‌ ସୁଗର ଧରି ରାସ୍ତାରେ ଯାଇଥିଲା। ତେବେ ପୁଲିସକୁ ଦେଖି ସେ ହଡ୍‌ବଡେଇ ଯାଇଥିଲା। ପରେ ପାଖରେ ରଖିଥିବା ବ୍ରାଉନ୍‌ ସୁଗର ଫିଙ୍ଗି ଦେଇଥିଲା। ପୁଲିସ ସଙ୍ଗେ ସଙ୍ଗେ ତଳେ ପଡ଼ିଥିବା ବାଉନ୍‌ ସୁଗରକୁ ଜବତ କରିଥିଲା। ଯାହାର ଆନୁମାନିକ ଓଜନ ୭୨ ଗ୍ରାମ୍‌ ହେବ। ଜବତ ବ୍ରାଉନ୍‌ ସୁଗର ମୂଲ୍ୟ ୭ ଲକ୍ଷ ୨୦ ହଜାର ଟଙ୍କା ହେବ। ଏହା ପରେ ପୁଲିସ ରାକ୍ଷୀଙ୍କୁ ଗିରଫ କରିଥିଲା। ତେବେ ସେ କେତେ ଦିନ ଧରି ଏହି ବେପାର କରୁଥିଲା, ତାହା ଜଣାପଡ଼ି ନାହିଁ। ପୁଲିସ ବିଭିନ୍ନ ଦିଗରୁ ତଦନ୍ତ କରୁଛି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।