ସିରିଜ୍ ଚୋରି ଘଟଣାରେ ଜଣେ ଗିରଫ

ରାଇରଙ୍ଗପୁର(ରାଜେଶ କୁମାର ଶର୍ମା): ମୟୂରଭଞ୍ଜ ଜିଲ୍ଲା ରାଇରଙ୍ଗପୁର ସହରରେ କିଛି ମାସ ତଳେ ଘଟିଥିବା ସିରିଜ୍‌ ଚୋରି ଘଟଣାରେ ମୁଖ୍ୟ ଅଭିଯୁକ୍ତକୁ ପୁଲିସ୍‌ ଗିରଫ କରିଛି। ତା ନାଁ ଶଙ୍କର ଦାସ(୩୫)। ସେ ୱାର୍ଡ ନମ୍ୱର ୩ରେ ରହେ। ଶଙ୍କର ନିକଟରୁ ଚୋରି ପାଇଁ ବ୍ୟବହାର କରାଯାଉଥିବା ଅସ୍ତ୍ରଶସ୍ତ୍ର ଜବତ କରାଯାଇଛି। ଏଥିସହ ଚୋରି ସାମଗ୍ରୀକୁ ମଧ୍ୟ ପୁଲିସ୍‌ ଜବତ କରିଛି। ଏହି ଘଟଣାରେ ସାମିଲ ଥିବା ଅନ୍ୟ ଅଭିଯୁକ୍ତମାନଙ୍କୁ ଗିରଫ କରାଯିବାକୁ ଉଦ୍ୟମ କରାଯାଉଥିବା ରାଇରଙ୍ଗପୁର ଟାଉନ୍‌ ଥାନା ଅଧିକାରୀ ରଞ୍ଜିତ କୁମାର ସେଠୀ କହିଛନ୍ତି।