ବାଲେଶ୍ୱର(ରଞ୍ଜିତ ପାକଳ): ଡକାୟତି ଯୋଜନା କରୁଥିବା ବେଳେ ୪ ଜଣ ଡକାୟତ ଧରାପଡ଼ିଛନ୍ତି। ଅନ୍ଧାରର ସୁଯୋଗ ନେଇ ଅନ୍ୟ ୩ ଜଣ ଡକାୟତ ଖସିଯାଇଥିବା ଜଣାପଡ଼ିଛି। ପୁଲିସ ଘଟଣାସ୍ଥଳରୁ ବହୁ ମାରଣାସ୍ତ୍ରୀ ଜବତ କରି ଘଟଣାର ତଦନ୍ତ ଆରମ୍ଭ କରିଛି।
ପୂରା ଘଟଣା ଏମିତି। ଗତକାଲି ରାତିରେ ବାଲେଶ୍ୱର ସଦର ଥାନା ଅନ୍ତର୍ଗତ ବାଲିଘାଟ ଶିବମନ୍ଦିର ପଛରେ ୭ ଜଣ ଡକାୟତ ବସି ଡକାୟତି ପାଇଁ ଯୋଜନା କରୁଥିଲେ। ମଦ ପିଇ ତାଙ୍କ ଯୋଜନାକୁ ସଫଳ କରିବା ପାଇଁ ଚାଲିଥିଲା ଆଲୋଚନା। ଏ ସମ୍ପର୍କରେ ଖବର ପାଇ ସଦର ଥାନା ପୁଲିସ ଘଟଣାସ୍ଥଳରେ ପହଞ୍ଚିଥିଲା।
ପୁଲିସ ସେମାନଙ୍କ ମଧ୍ୟରୁ ୪ ଜଣଙ୍କୁ ଗିରଫ କରିଥିବା ବେଳେ ୫ଟି ବାଇକ, ୨ ବନ୍ଧୁକ, ୩ଟି ଅଫୁଟା ଗୁଳି, ଭୁଜାଲି, ନଗଦ ୩୫୦୦ ଟଙ୍କା ସହ ଅନ୍ୟାନ୍ୟ ମାରଣାସ୍ତ୍ର ଜବତ କରିଥିଲା। ଗିରଫ ଅଭିଯୁକ୍ତମାନେ ହେଲେ ପରଂଜୟ ଦାସ, ସୁରେଶ ଜେନା, ଯତି ରଞ୍ଜନ ପୁହାଣ ଓ ମନୋଜ କୁମାର ଦାସ। ତେବେ ଅନ୍ଧାରର ସୁଯୋଗ ନେଇ ୩ ଜଣ ଚମ୍ପଟ ମାରିଥିଲେ। ପୁଲିସ ସେମାନଙ୍କୁ ଗିରଫ କରିବା ପାଇଁ ବିଭିନ୍ନ ସ୍ଥଳରେ ଚଢ଼ଉ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
