ଅପହୃତ ଠିକାଦାର ଓ ସହଯୋଗୀଙ୍କୁ ଉଦ୍ଧାର କଲା ପୁଲିସ

ଆସିକା(ଓଡ଼ିଶା ରିପୋର୍ଟର) ଗଂଜାମ ଜିଲ୍ଲା ଆସିକା ଥାନା ଅନ୍ତର୍ଗତ ଆଲିପୁରରେ ଠିକାଦାର ଏବଂ ତାଙ୍କ ସହଯୋଗୀଙ୍କୁ ଅପହରଣ ଅଭିଯୋଗ ହୋଇଛି। ଉଭୟ ହେଲେ ପ୍ରସନ୍ନ ଗୌଡ ଏବଂ କାଳୁ ଜେନା ।

ଅଭିଯୋଗ ଅନୁସାରେ ଗତକାଲି ରାତିରେ ଉଭୟେ କାମ ସାରି ଘରକୁ ଫେରୁଥିଲେ। ଏହି ସମୟରେ ୪ଜଣ ଯୁବକ ଆଲିପୁର ଗ୍ରାମ ରାସ୍ତାରେ ହଠାତ ଆକ୍ରମଣ କରିଥିଲେ। ଏହାପରେ ବନ୍ଧୁକ ଦେଖାଇ ଅପହରଣ କରିଥିବା ଅଭିଯୋଗ ହୋଇଛି।

ଏନେଇ ପରିବାର ଲୋକଙ୍କ ତରଫରୁ ଥାନାରେ ଏକ ମାମଲା ରୁଜୁ ହେବା ପରେ ପୁଲିସ ମଧ୍ୟରାତ୍ରରେ ଚଢାଉ କରି ଉଭୟଙ୍କୁ ଉଦ୍ଧାର କରିଥିବା ସୂଚନା ମିଳିଛି। ତେବେ କିଏ ଏବଂ କାହିଁକି ଅପହରଣ କରିଥିଲା ସେନେଇ ବର୍ତ୍ତମାନ ସୁଦ୍ଧା ଜଣାପଡିନି । ପୁଲିସ ଘଟଣାର ତଦନ୍ତ ଜାରି ରଖିଛି ।