ଉତ୍କଳ ଦିବସରେ ଓଡ଼ିଆଙ୍କ ମନ ଜିଣିବାକୁ ବିଜେପି ଓ ବିଜେଡିର ପ୍ରୟାସ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଆଜି ଉତ୍କଳ ଦିବସ। ଏହି ଅବସରରେ ବାଃ ବାଃ ନେବାକୁ ଦେଖିବାକୁ ମିଳିଥିଲା ପଲିଟିକାଲ ଫାଇଟ୍&zwnj;। ଉତ୍କଳ ଦିବସରେ ନବୀନ ବନାମ ଧର୍ମେନ୍ଦ୍ରଙ୍କ ଉଦ୍&zwnj;ଘାଟନୀ ପର୍ବ ଦେଖିବାକୁ ମିଳିଥିଲା। କଟକ ମହାନଦୀରେ ସେତୁ ଲୋକାର୍ପଣ କାର୍ଯ୍ୟକ୍ରମକୁ କୋଣାର୍କ ସୂର୍ଯ୍ୟ ମନ୍ଦିରରେ ଇଣ୍ଟର ପ୍ରିଟେସନ୍ ସେଣ୍ଟର ଉଦ୍&zwnj;ଘାଟନ। ସକାଳୁ ସନ୍ଧ୍ୟା ପର୍ଯ୍ୟନ୍ତ ବାଃ ବାଃ ଲୁଟିବାକୁ ଚାଲିଥିଲା ଭରପୁର ପ୍ରୟାସ।</p> <p>ଭୋର ୫ଟାରେ ପ୍ରାଚୀ ଟ୍ରଷ୍ଟର ଆହ୍ୱାନ କ୍ରମେ ଚନ୍ଦ୍ରଭାଗା ସମୁଦ୍ର କୂଳରେ ଓଡ଼ିଶା ନିର୍ମାଣ ଅଭିଯାନ କାର୍ଯ୍ୟକ୍ରମ ପାଇଁ ଏକଠି ହୋଇଥିଲେ ହଜାର ହଜାର ଯୁବକ ଯୁବତୀ। ପେଟ୍ରୋଲିୟମ୍&nbsp; ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହି ଅଭିଯାନର ଶୁଭାରମ୍ଭ କରିବା ପରେ ସୂର୍ଯ୍ୟ ଉଦୟ ହେବା କ୍ଷଣି କୋଣାର୍କର ପ୍ରସ୍ତର ସ୍ଥପତି ଉପେନ୍ଦ୍ର ମହାରଣା ନୂଆ ଓଡ଼ିଶା ନିର୍ମାଣ ପାଇଁ ସଂକଳ୍ପ ପାଠ କରିଥିଲେ। ଏହାପରେ କୋଣାର୍କରେ ଇଣ୍ଡିଆନ ଅଏଲ୍ ଫାଉଣ୍ଡେସନ୍ ଦ୍ୱାରା କୋଣାର୍କ ମନ୍ଦିରରେ ବିଶ୍ୱସ୍ତରୀୟ ପର୍ଯ୍ୟଟକ ସୁବିଧା ଓ ବ୍ୟାଖ୍ୟାନ କେନ୍ଦ୍ରକୁ ଉଦ୍&zwnj;ଘାଟନ କରିଥିଲେ ଧର୍ମେନ୍ଦ୍ର। ନିଜ ଉଦ୍&zwnj;ବୋଧନରେ ଏହା ରାଜ୍ୟ ପର୍ଯ୍ୟଟନର ବିକାଶ ସହ ଓଡ଼ିଶାର ଆର୍ଥିକ ଅଭିବୃଦ୍ଧିରେ ସହାୟକ ହେବ ବୋଲି କହିଲେ।</p> <p>ଏପଟେ କଟକରେ ମହାନଦୀ ଉପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ମଧୁସୂଦନ ସେତୁ ଲୋକାର୍ପଣ କରିଥିଲେ। ୧୫୭ କୋଟି ଟଙ୍କା ବ୍ୟୟରେ ପ୍ରାୟ ଅଢ଼େଇ କିଲୋମିଟର ଲମ୍ବ ଓ ୧୩ ମିଟର ଓସାର ବିଶିଷ୍ଟ ଏ ସେତୁ ଉଦ୍&zwnj;ଘାଟନ ପରେ ଏହା ଉପରେ କିଛି ବାଟ ଚାଲିଥିଲେ ମୁଖ୍ୟମନ୍ତ୍ରୀ। ଉଦ୍&zwnj;ଘାଟନ କାର୍ଯ୍ୟକ୍ରମ ପୂର୍ବରୁ ସାଧାରଣ ସଭାରେ ଯୋଗ ଦେଇ ମୁଖ୍ୟମନ୍ତ୍ରୀ କହିଥିଲେ ଓଡ଼ିଶାବାସୀଙ୍କ ଟଙ୍କାରେ ନିର୍ମିତ ଏହି ସେତୁ ବିଭିନ୍ନ ଜିଲ୍ଲାକୁ ସଂଯୋଗ ସହ ସଂପର୍କ ମଧ୍ୟ ଯୋଡ଼ିବ।ଉଦ୍&zwnj;ଘାଟନୀ କାର୍ଯ୍ୟକ୍ର ପରେ ସେଇ ସେତୁ ଦେଇ ନୂଆପାଟଣା ଯାଇଥିଲେ ମୁଖ୍ୟମନ୍ତ୍ରୀ।</p> <p>ଉତ୍କଳ ଦିବସରେ ସରକାରୀ କାର୍ଯ୍ୟକ୍ରମ ଆଳରେ କେନ୍ଦ୍ର ଏବଂ ରାଜ୍ୟ ସରକାରଙ୍କ ଏଭଳି କାର୍ଯ୍ୟକ୍ରମକୁ କଂଗ୍ରେସ ତାଚ୍ଛଲ୍ୟ କରିଛି।</p>