ଭଦ୍ରକ(ପାର୍ଥସାରଥୀ ନାୟକ): ସରିଛି ପଞ୍ଚାୟତ ନିର୍ବାଚନ ହେଲେ ଗାଁରେ କମୁନି ରାଜନୈତିକ ହିଂସାକାଣ୍ଡ। ନିର୍ବାଚନ ଜିତି ସାରିଥିଲେ ବି ହାରି ଯାଇଥିବା ଦଳ ଉପରେ କରାଯାଉଛି ଆକ୍ରମଣ। ଭଦ୍ରକ ଜିଲ୍ଲା ବନ୍ତ ଥାନା ଅଞ୍ଚଳରେ ପୁଣି ରାଜନୈତିକ ହିଂସାକାଣ୍ଡ ଦେଖିବାକୁ ମିଳିଛି। ଗୋଟିଏ ନିର୍ଦ୍ଧିଷ୍ଟ ଦଳର ବ୍ୟକ୍ତିମାନେ ଅନ୍ୟ ଦଳ ଉପରକୁ ସଂଘବଦ୍ଧ ଆକ୍ରମଣ କରିଛନ୍ତି। ଏଥିରେ ୫ ଜଣ ଗୁରୁତର ହୋଇଛନ୍ତି। ସେମାନଙ୍କୁ ଭଦ୍ରକ ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି।
ସୂଚନା ମୁତାବକ, ଗତକାଲି ସଂଧ୍ୟାରେ ଵନ୍ତ ଥାନା ଅଧିନ କାଦବରାଙ୍ଗ ଵଜାରରେ ଏ ଭଳି ଘଟଣା ଘଟିଛି। ଗୋଟିଏ ନିର୍ଦ୍ଧିଷ୍ଟ ଦଳର କର୍ମୀ ଅନ୍ୟ ଦଳର କର୍ମୀଙ୍କ ଉପରେ ଆକ୍ରମଣ କରିଥିଲେ। ବିଜେଡି ଦଳରେ ରହି ବିଦ୍ରୋହ କରି କିଛି ଅସନ୍ତୁଷ୍ଟ କର୍ମୀ ମଞ୍ଚ କରି ନିର୍ବାଚନ ଲଢିଥିଲେ। ପରେ ଏହାକୁ ନେଇ ଉତ୍ତେଜନା ଲାଗିରହିଥିଲା।
ରବିବାର ସଂଧ୍ୟାରେ କୌଣସି କାରଣକୁ ନେଇ ବଚସା ହୋଇଥିଲା। ଏହାପରେ ୪୦ରୁ ୫୦ ଜଣ ଆସି ଗୋଟିଏ ଦଳ ଉପରେ ସଂଘବଦ୍ଧ ଆକ୍ରମଣ କରିଥିଲେ। ଏଥିରେ ୫ଜଣ ଆହତ ହୋଇଛନ୍ତି। ଆଗରପଡା ପୁଲିସ ପହଞ୍ଚି ଆହତମାନଙ୍କୁ ୧୦୮ ଓ ଅନ୍ୟ ଗାଡି ଯୋଗେ ଭଦ୍ରକ ମୁଖ୍ୟ ଚିକିତ୍ସାଳୟକୁ ପଠାଇଛି। ପୁଲିସ ଘଟଣା ତଦନ୍ତ ଜାରି ରଖିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
