କାହାକୁ ମାନୁନାହାନ୍ତି ଆମ ଅଫିସର, ମନ୍ତ୍ରୀ ତ ମନ୍ତ୍ରୀ ହାଇକୋର୍ଟଙ୍କୁ ବି ବେଖାତିର  

<p>ଭୁବନେଶ୍ୱର(ଓଡିଶା ରିପୋର୍ଟର): ମନ୍ତ୍ରୀ ନା ପ୍ରଶାସକ ? କାହା ହୁକୁମରେ ଚାଲେ ନବୀନ ସରକାର? ଅନେକ ସମୟରେ ଅଭିଯୋଗ ଆସେ ନବୀନ ସରକାରରେ ମନ୍ତ୍ରୀ ନୁହଁନ୍ତି ସବୁ ନିଷ୍ପତ୍ତି ନିଅନ୍ତି ଅଫିସର। ମନ୍ତ୍ରୀଙ୍କ ନିର୍ଦ୍ଦେଶକୁ ବି ନାଲିଫିତା ତଳେ ଚାପି ରଖିବାର କ୍ଷମିତା ରହିଛି ତାଙ୍କର। ତା ହେଲେ ଏ କଥା କେତେ ସତ, କେତେ ମିଛ ସେ ସମ୍ପର୍କରେ କହିବା କାଠିକର ପାଠ।</p> <p>କିନ୍ତୁ ଏମତି ଏକ ସଙ୍ଗୀନ ଅଭିଯୋଗର ଦସ୍ତାବିଜ ଲାଗିଛି ଓଟିଭି ହାତରେ । ମନ୍ତ୍ରୀମଣ୍ଡଳରୁ ବିଦା ହେବାର ସପ୍ତାହେ ପୂର୍ବରୁ କୃଷିମନ୍ତ୍ରୀ ଦାମୋଦର ରାଉତ ନିଜ ସଚିବଙ୍କୁ ଲେଖିଥିବା ଏକ ନୋଟ୍ ସିଟ୍&zwnj; ରାଜ୍ୟରେ ଅଫିସର ରାଜ୍&zwnj;ର ଗୁମରକୁ ପଦାରେ ପକାଇ ଦେଇଛି । ଜଣେ ସହକାରୀ କୃଷି ଅଧିକାରୀଙ୍କୁ ନ୍ୟାୟ ଦେବାକୁ ତତ୍କାଳୀନ ମନ୍ତ୍ରୀ ରାଉତ ବିଭାଗୀୟ ସଚିବଙ୍କୁ ଚିଠି କରିଥିଲେ। ଏପରିକି ନିଜ ଚିଠିରେ ହାଇକୋର୍ଟଙ୍କ ଆଦେଶର ଅନୁପାଳନ କରିବା ପାଇଁ ବିଭାଗୀୟ ସଚିବଙ୍କୁ ସେ ନିର୍ଦ୍ଦେଶ ଦେଇଥିଲେ। ହେଲେ ଏହାର&nbsp; ଅନୁପାଳନ ହୋଇ ନ ଥିଲା।</p> <p>୨୨-୧୨-୨୦୧୭ରେ ବିବାଦୀୟ ମନ୍ତବ୍ୟ ପାଇଁ ମନ୍ତ୍ରୀ ମଣ୍ଡଳରୁ ବିଦା ହୁଅନ୍ତି କୃଷି ମନ୍ତ୍ରୀ ଦାମୋଦର ରାଉତ। ୧୫-୧୨-୨୦୧୭ ଅର୍ଥାତ୍ ବିଦା ହେବାର ସପ୍ତାହକ ପୂର୍ବରୁ ନିଜ ସଚିବଙ୍କୁ ମନ୍ତ୍ରୀ ରାଉତ ଚିଠିଟିଏ ଲେଖିଥିଲେ। ଯେଉଁଥିରେ ସେ ସ୍ପଷ୍ଟ ଭାବେ ଉଲ୍ଲେଖ କରିଥିଲେ କି, ସରକାରଙ୍କ ଆଦେଶର ଅନୁପାଳନ ହେଉ। ପୂର୍ବରୁ ଏ ପ୍ରସଙ୍ଗରେ ହାଇକୋର୍ଟଙ୍କ ନିର୍ଦ୍ଦେଶ ମଧ୍ୟ ଆସିଥିଲେ ହେଁ ବିଭାଗୀୟ ସଚିବ ଏହାକୁ ଅଣଦେଖା କରିଥିବା କଥା ମଧ୍ୟ ସେ ଉଲ୍ଲେଖ କରିଥିଲେ।</p> <p>&lt;strong&gt;ପୁରା ଘଟଣା ହେଉଛି ଏମିତି-&lt;/strong&gt; ଉଦ୍ୟାନ କୃଷିବିଭାଗରେ ସହକାରୀ ନିର୍ଦ୍ଦେଶକ ଭାବେ କାମ କରନ୍ତି ଅଶୋକ କୁମାର ସେଠୀ । ମନ୍ତ୍ରୀ ରାଉତ ଲେଖିଥିବା ନୋଟ ସିଟ୍ ଅନୁସାରେ ବିଭାଗର ଭୁଲ ନିର୍ଦ୍ଦେଶ ଯୋଗୁଁ ଅଶୋକ ୫ ବର୍ଷ ହେବ ବିନା ଦରମାରେ ଛୁଟିରେ ଥିଲେ । ୨୦୦୮ ମେ ୩୦ରେ ଅଶୋକଙ୍କୁ ପଦୋନ୍ନତି ଦେଇଥିଲେ ସରକାର। କିନ୍ତୁ ବର୍ଷେ ତିନିମାସ ପରେ ୨୦୦୯ ଜୁଲାଇ ୨୩ରେ ହଠାତ୍&zwnj; ତାଙ୍କର ପଦ ଅବନତି ହେଲା। ସରକାରଙ୍କ ଏ ନିର୍ଦ୍ଦେଶ ବିରୋଧରେ ପ୍ରଥମେ ଟ୍ରିବୁନାଲ ଓ ପରେ ହାଇକୋର୍ଟରେ ଅପିଲ କରିଥିଲେ ଅଶୋକ। ତାଙ୍କ&nbsp; ସପକ୍ଷରେ ଉଭୟ ଟ୍ରିବୁନାଲ ଓ ହାଇକୋର୍ଟ ନିର୍ଦ୍ଦେଶ ଦେଲେ । ତେବେ ଏହାକୁ ଚ୍ୟାଲେଞ୍ଜ କରି ସୁପ୍ରିମକୋର୍ଟରେ ମାମଲା ଦାୟର କରଥିଲେ ରାଜ୍ୟ ସରକାର। ସୁପ୍ରିମକୋର୍ଟ ଏହା ଉପରେ ସ୍ଥଗିତାଦେଶ ଦେଇ ନ ଥିଲେ ବି ସରକାର ହାଇକୋର୍ଟଙ୍କ&nbsp; ନିର୍ଦ୍ଦେଶକୁ ପାଳନ କରି ନ ଥିଲେ। ମାମଲାର ସମାଧାନ କରିବା ସହ&nbsp; ଆଇନ ବିଭାଗର ପରାମର୍ଶ ନେଇ ପୁଣିଥରେ ଫାଇଲ ପଠାଇବାକୁ ମୁଖ୍ୟମନ୍ତ୍ରୀ କହିଥିବା ଦାମ ନୋଟ୍&zwnj; ସିଟ୍&zwnj;ରେ ଲେଖିଛନ୍ତି । ତେଣୁ ହାଇକୋର୍ଟଙ୍କ ନିର୍ଦ୍ଦେଶକୁ ତୁରନ୍ତ ପାଳନ କରିବାକୁ ବିଭାଗକୁ ନିର୍ଦେଶ&nbsp; ଦେଇଥିଲେ ସେତେବଳର କୃଷିମନ୍ତ୍ରୀ ଦାମୋଦର ରାଉତ । କିନ୍ତୁ ବିଡମ୍ବନା ତାହା ବି କାଯର୍ୟକାରି ହେଲାନି ଏବଂ ବିଭାଗ ମୁଖ୍ୟମନ୍ତ୍ରୀଙ୍କ ପାଖକୁ ଫାଇଲ ପଠାଇଲା ନାହିଁ ବୋଲି ଜଣାପଡିଛି।</p> <p>କୃଷି ବିଭାଗର ଏଇ ଉଦାହରଣ ରାଜ୍ୟ ଶାସନରେ ଅଫିସର ରାଜ୍&zwnj;କୁ ସ୍ପଷ୍ଟ ସୂଚାଉ ଥିବା ବେଳେ ବର୍ତ୍ତମାନର କୃଷିମନ୍ତ୍ରୀ କୌଣସି ପ୍ରତିକ୍ରିୟା ଦେବାକୁ ମନା କରି ଦେଇଛନ୍ତି। ଏଣେ ବିଜେଡି ମୁଖପାତ୍ର ଅମର ପ୍ରସାଦ ଶତପଥୀ କହିଛନ୍ତି ଯେ, ସରକାରୀ ଅଫିସର ମନ୍ତ୍ରୀଙ୍କ ନିର୍ଦ୍ଦେଶ ମାନିବା ଉଚିତ୍।</p>