ମୋଦି ଓ ନରସିଂହଙ୍କ ସହ ନବୀନଙ୍କ ଭେଟଘାଟ୍‌ କ’ଣ ନୂଆ ଗୋଟିଚାଳନା ?

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଗତକାଲି ମୋଦି-ନବୀନ ଭେଟ ଆଉ ଆଜି ନବୀନ-ନରସିଂହ ଭେଟ୍&zwnj;। ଦୁଇଦିନ ହେବ ଦିଲ୍ଲୀରେ ଦେଖିବାକୁ ମିଳୁଛି ଓଡ଼ିଶା ପଲିଟିକ୍ସର ଏମିତି କିଛି ଦୃଶ୍ୟ। ଏହି ଭେଟ୍&zwnj;ଘାଟ୍&zwnj; ୨୦୧୯ ସାଧାରଣ ନିର୍ବାଚନ ପୂର୍ବରୁ ନବୀନଙ୍କ ନୂଆ ଗୋଟିଚାଳନା ହୋଇଥାଇ ପାରେ ବୋଲି ଚର୍ଚ୍ଚା ହେଉଛି।</p><p>ଗତକାଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦ ମିନିଟ୍&zwnj; ଧରି ଆଲୋଚନା କଲେ। ଆଲୋଚନା ପରେ ନବୀନ କହିଲେ &ldquo;ଏହା ଏକ ସୌଜନ୍ୟମୂଳକ ସାକ୍ଷାତ ଥିଲା। ପ୍ରଧାନମନ୍ତ୍ରୀଙ୍କୁ ବିଜୁ ବାବୁଙ୍କ ବହି ଦେଲି।&rdquo; ହେଲେ କ&rsquo;ଣ ୨୦ ମିନିଟ୍&zwnj;ର ଏହି ସାକ୍ଷାତ କେବଳ ବହି ଦେବାରେ ସୀମିତ ଥିବ, ସାକ୍ଷାତ ବେଳେ କ&rsquo;ଣ ରାଜ୍ୟର ସ୍ୱାର୍ଥ ନେଇ କିଛି ଆଲୋଚା ହୋଇ ନଥିବ, ଏହା ସହଜେ ଗ୍ରହଣୀୟ ହେଉନି। &lsquo;ଦି ଟଲ୍ ମ୍ୟାନ୍&rsquo; ବହି ଉନ୍ମୋଚନ ଅବସରରେ ଜାତୀୟସ୍ତରର ହେବିୱେଟ୍ ନେତାଙ୍କୁ ଗୋଟିଏ ମଞ୍ଚରେ ବସାଇବା ପରେ ନବୀନଙ୍କର ଏହା ଆଉ ଏକ ପଦକ୍ଷେପ। ୪ଥର ମୁଖ୍ୟମନ୍ତ୍ରୀ ହେବା ପରେ ବିଜୁ ପଟ୍ଟନାୟକଙ୍କ ଭଳି ନବୀନ ଜାତୀୟ ରାଜନୀତିରେ ଦବଦବା ପ୍ରମାଣିତ କରିବାକୁ ଉଦ୍ୟମ କରୁଛନ୍ତି କି?</p><p>ରାଜ୍ୟରେ ବିଜେପି ଓ ବିଜେଡି ଲଢେଇ ତିବ୍ର ହୋଇଥିବା ବେଳେ ମୋଦିଙ୍କୁ ନବୀନଙ୍କ ସାକ୍ଷତ ପଛରେ ବିଜେପିକୁ ଚକମ୍ମା ଦେବାକୁ ନୂଆ ଗୋଟିଚାଳନା ନୁହେଁ ତ ? ଗୋଟିଏ ପଟେ&nbsp; ବିଜେପୁର ବାଜିରେ ଆରୋପ-ପ୍ରତ୍ୟାରୋପ, ସେପଟେ ବିଜେପି ଓ ବିଜେଡିର ତୁ ତୁ ମେଁ ମେଁ ଭିତରେ ଏହି ଭେଟଘାଟ୍ ନବୀନଙ୍କର ୨୦୧୯ ପାଇଁ ନୂଆ ଗୋଟିଚାଳନା ବୋଲି ଚର୍ଚ୍ଚା ହେଉଛି।</p><p>ସେହିପରି ଆଜି ଦିଲ୍ଲୀରେ ବିରୋଧୀ ଦଳ ନେତା ନରସିଂହ ମିଶ୍ରଙ୍କ ସହ ନବୀନଙ୍କ ସାକ୍ଷାତ ଆଲୋଚନା ବି ରାଜ୍ୟ ରାଜନୀତିରେ ହଟଚମଟ ସୃଷ୍ଟି କରିଛି। ଆଗକୁ କିଛି ନୂଆ ରାଜନୈତିକ ମୋଡ ଆସିପାରେ କି ବୋଲି ପ୍ରଶ୍ନ ଉଠିବାରେ ଲାଗିଛି। କଂଗ୍ରେସକୁ ଆଗକୁ ବଢାଇଲେ ବିଜେଡିର ଲାଭ। ସେଇ ମର୍ମରେ କିଛି ନୂଆ ରାଜନୈତିକ ଗଣିତ କଷା ଯାଉଥିବା ନେଇ ଚର୍ଚ୍ଚା ହେଉଛି। ଏଭଳି ସ୍ଥିତିରେ ବିଜେଡି ଏହାକୁ ସୌଜନ୍ୟମୂଳକ ସାକ୍ଷାତ ବୋଲି କହିଥିବା ବେଳେ ବିରୋଧୀ ଦଳ ନେତା କହିଛନ୍ତି, &ldquo;କିଏ କାହାକୁ ଭେଟି ଦେଲେ କ&rsquo;ଣ ପଲିଟିକାଲ୍ ଡିଲ୍ ହୋଇଯାଏ।&rdquo;</p><p>ମୋଦୀ-ନବୀନ, ନବୀନ-ନରସିଂହ ଏସବୁ ଭେଟଘାଟ୍&zwnj;କୁ ଯେତେ ସୌଜନ୍ୟମୂଳକ ସାକ୍ଷାତ କହିଲେ ମଧ୍ୟ ଏହା ୨୦୧୯ ନିର୍ବାଚନର ଗୋଟିଚାଳନାର ଯେ ଏକ ଅଂଶ ବିଶେଷ ନୁହେଁ, ସେ ସମ୍ଭାବନାକୁ ଏଡ଼ାଇ ଦେଇ ହେବନି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।