ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p><span style="color: #0000ff;">କେନ୍ଦୁଝର (ପ୍ରଣୟ ପାଣି)</span>: ଟଙ୍କା ଦେଇ ନପାରିବାରୁ ଏକ ଘରୋଇ ଡାକ୍ତରଖାନାରେ ଜଣେ ରୋଗୀ ବନ୍ଧା ପଡ଼ିଛନ୍ତି। ଏଭଳି ଅଭିଯୋଗ କରିଛନ୍ତି କେନ୍ଦୁଝର ଜିଲ୍ଲା ଶଙ୍କରୀ ଗାଁର ତୁଳସୀ ମୁଣ୍ଡା।</p> <p>ଅଭିଯୋଗ ଅନୁସାରେ, ଗତ ୧୭ ତାରିଖରେ ତୁଳସୀଙ୍କ ସ୍ୱାମୀ ଶୁକଲାଲ ମୁଣ୍ଡା ଓ ତାଙ୍କ ଝିଅ କୁନ୍ତଳାଙ୍କୁ ବିଷାକ୍ତ ସାପ କାମୁଡ଼ି ଦେଇଥିଲା। ଗୁରୁତର ଅବସ୍ଥାରେ ଉଭୟଙ୍କୁ ଡାକ୍ତରଖାନା ଆଣିବା ରାସ୍ତାରେ ଝିଅର ମୃତ୍ୟୁ ଘଟିଥିଲା। ଶୁକଲାଲଙ୍କୁ କେନ୍ଦୁଝର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ତାଙ୍କ ଅବସ୍ଥା ଆହୁରି ଗୁରୁତର ହେବାରୁ ତାଙ୍କୁ କଟକ ସ୍ଥାନାନ୍ତର କରାଯାଇଥିଲା।</p> <p>କଟକରେ ଜଣେ ଦଲାଲ କମ୍ ଖର୍ଚ୍ଚରେ ଚିକିତ୍ସାର ପ୍ରତିଶ୍ରୁତି ଦେଇ ଶୁକଲାଲଙ୍କୁ ଏକ ଘରୋଇ ଡାକ୍ତରଖାନାରେ ଭର୍ତ୍ତି କରାଇଦେଇଥିଲା।</p> <p>ଡାକ୍ତରଖାନା କର୍ତ୍ତୃପକ୍ଷ ୨୦/୨୫ ହଜାର ଟଙ୍କାରେ ଚିକିତ୍ସା ହେବ ବୋଲି କହିବା ପରେ ଶୁକଲାଲଙ୍କ ପତ୍ନୀ ତୁଳସୀ ଛେଳି ଓ ଗାଈ ବିକି ଟଙ୍କା ଯୋଗାଡ଼ କରିଥିଲେ। ପୁଣି ଡାକ୍ତରଖାନା କର୍ତ୍ତୃପକ୍ଷ ଆହୁରି ଟଙ୍କା ମାଗିବାରୁ ଘର ବନ୍ଧା ପକାଇ ଟଙ୍କା ଜମା କରିଥିଲେ। ଏବେ ଡାକ୍ତରଖାନା କର୍ତ୍ତୃପକ୍ଷ ଆହୁରି ୭୦ ହଜାର ଟଙ୍କା ମାଗୁଥିବା ତୁଳସୀ ଅଭିଯୋଗ କରିଛନ୍ତି।</p> <p>ତୁଳସୀ ଅଧିକ ଟଙ୍କା ଦେଇ ନପାରିବାରୁ ଡାକ୍ତରଖାନା କର୍ତ୍ତୃପକ୍ଷ ଶୁକଲାଲଙ୍କୁ ଛାଡ଼ୁ ନଥିବା ଅଭିଯୋଗ ହୋଇଛି।</p> <p>ସ୍ୱାମୀଙ୍କୁ ମୁକୁଳାଇବା ଲାଗି ତୁଳସୀ ଏବେ ପ୍ରଶାସନର ଦ୍ୱାରସ୍ଥ ହୋଇଛନ୍ତି। ଏନେଇ ପଦକ୍ଷେପ ନିଆଯିବ ବୋଲି ଅତିରିକ୍ତ ଜିଲ୍ଲାପାଳ କହିଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
