ପାୱାର ପ୍ଲାଣ୍ଟ ପ୍ରତିଷ୍ଠା ପାଇଁ ନାଲକୋ ଓ ଏନ୍‌ଟିପିସି ମଧ୍ୟରେ ଚୁକ୍ତି ସ୍ୱାକ୍ଷରିତ

ନୂଆଦିଲ୍ଲୀ: ଓଡ଼ିଶାରେ ପାୱାର ପ୍ଲାଣ୍ଟ ପ୍ରତିଷ୍ଠା ପାଇଁ ଆଜି ଏମ୍‌ଓୟୁ ସ୍ୱାକ୍ଷର ହୋଇଛି। ନାଲକୋ ଓ ଏନ୍‌ଟିପିସି ମଧ୍ୟରେ ଏହି ଚୁକ୍ତି ହୋଇଛି। ଏହି ଦୁଇ କମ୍ପାନୀ ମିଳିତ ଭାବେ ଏହି ପ୍ଲାଣ୍ଟ ପ୍ରତିଷ୍ଠା କରିବେ। ଏଥିରେ ରାଜ୍ୟ ସରକାର ସହଯୋଗ କରିବେ। ଢେଙ୍କାନାଳ ଜିଲ୍ଲା ଗଜମରାରେ ଏହା ପ୍ରତିଷ୍ଠା କରାଯିବ। ୨୪୦୦ ମେଗାୱାଟ୍‌ ବିଶିଷ୍ଟ ପାୱାର ପ୍ଲାଣ୍ଟ ପାଇଁ ଦିଲ୍ଲୀରେ ଏହି ଚୁକ୍ତି ସ୍ୱାକ୍ଷର ହୋଇଛି।

ନାଲକୋ ସିଏମ୍‌ଡି ତପନ ଚାନ୍ଦ ଏବଂ ଏନ୍‌ଟିପିସି ସିଏମ୍‌ଡି ଗୁରୁଦୀପ ସିଂହ ଚୁକ୍ତି ସ୍ୱାକ୍ଷର କରିଥିଲେ। ଏହି ସମୟରେ କେନ୍ଦ୍ରମନ୍ତ୍ରୀ ପିୟୁଷ ଗୋଏଲ ଏବଂ ଧର୍ମେନ୍ଦ୍ର ପ୍ରଧାନ, ଖଣିମନ୍ତ୍ରୀ ପ୍ରଫୁଲ୍ଲ ମଲ୍ଲିକ ଓ ଢେଙ୍କାନାଳ ସାଂସଦ ତଥାଗତ ସତପଥି ଉପସ୍ଥିତ ଥିଲେ।

ଧର୍ମେନ୍ଦ୍ର ପ୍ରଧାନ କହିଛନ୍ତି,“ନାଲକୋର .୪୬ ମିଲିୟନ ଟନ୍‌ କ୍ଷମତା ଅଛି। ଆଉ ୧ ମିଲିୟନ ଟନ୍‌ ଆଲୁମିନିୟମ ବନାଇବାକୁ ଯୋଜନା କରାଗଲା। ଏହାଦ୍ୱାରା କୋରାପୁଟ ଅଞ୍ଚଳରେ ବିଶୋଧାନ କ୍ଷମତା ବଢିବ। ନାଲକୋ ଓ ଏନ୍‌ଟିପିସିର ମିଳିତ ଉଦ୍ୟମରେ ୪୮,୦୦୦ ହଜାର କୋଟି ଟଙ୍କାର ନିବେଶ ହେବ।”