ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ(ଓଡିଶା ରିପୋର୍ଟର)ଶ୍ରୀମନ୍ଦିରରେ ଗଢା ହୋଇପାରୁନି ନୂଆ ପରିଚାଳନା କମିଟି। ଯାହାକ ନେଇ ଖୋଦ୍‌ ଗଜପତି ମହାରାଜ କ୍ଷୋଭ ପ୍ରକାଶ କରିଥିବା ବେଳେ ଆଜି ବିବୃତି ରଖିଛନ୍ତି ମୁଖ୍ୟ ପ୍ରଶାସନ ପ୍ରଦୀପ ଜେନା। ସେ କହିଛନ୍ତି ଯେ, ଖୁବ୍‌ ଶିଘ୍ର ପରିଚାଳନା କମିଟି ଗଠିତ ହୋଇ ମହାପ୍ରଭୁଙ୍କ କାର୍ଯ୍ୟ ଶୃଙ୍ଖଳିତ ହେବ।</p> <p>ସୂଚନାଯୋଗ୍ୟ, ସାଢ଼େ ଚାରିକୋଟି ଓଡିଆଙ୍କ ଆରାଧ୍ୟ ଦେବତା ମହାପ୍ରଭୁ ଜଗନ୍ନାଥଙ୍କ ମାମଲାରେ ବି ରାଜ୍ୟ ସରକାରଙ୍କ ଉଦାସୀନତା ଦାଣ୍ଡରେ ପଡି ହାଟରେ ଗଡିଗଲାଣି। ପରିଚାଳନା କମିଟି କାର୍ଯ୍ୟକାଳ ଶେଷ ହେବାର ୭ ମାସ ବିତିଲାଣି। ହେଲେ ରାଜ୍ୟ ସରକାରଙ୍କ ଆଇନ୍‌ ବିଭାଗ ପାଖରେ ଠାକୁରଙ୍କ ପାଇଁ ସମୟ ନ ଥିବାରୁ ଗଢାଯାଇପାରିନାହିଁ ନୂଆ କମିଟି। ଯାହାକୁ ନେଇ ଉଦ୍‌ବେଗ ପ୍ରକାଶ କରିଛନ୍ତି ଖୋଦ୍‌ ପୁରୀ ଗଜପତି ମହାରାଜ ଦିବ୍ୟସିଂହ ଦେବ। ଆଇନ ବିଭାଗ ପାଖରେ ନୂଆ ପରିଚାଳନା କମିଟି ଗଠନ ନେଇ ପ୍ରସ୍ତାବ ପଡ଼ି ରହିଥିଲେ ବି ଏ ଯାଏଁ ନୂଆ କମିଟି ଗଠନ ନେଇ ନାଁ ଧରୁନାହାନ୍ତି ସରକାର । ଫଳରେ ନା ଆଗତ ହୋଇପାରୁଛି ଶ୍ରୀମନ୍ଦିର ବଜେଟ୍ ନା କାର୍ଯ୍ୟକାରୀ ହୋଇପାରୁଛି ସେବାୟଙ୍କ ଉଦ୍ଦେଶ୍ୟରେ ପ୍ରସ୍ତାବିତ ଯୋଜନା। ଗଜପତି ମହାରାଜ କହିଛନ୍ତି, ନୂଆ ପରିଚାଳନା କମିଟି ଗଠନ ଦିଗରେ ପଦକ୍ଷେପ ଲାଗି ପୂର୍ବରୁ ମୁଖ୍ୟମନ୍ତ୍ରୀ ଓ ଆଇନମନ୍ତ୍ରୀଙ୍କୁ ବ୍ୟକ୍ତିଗତ ଭାବେ ଅନୁରୋଧ କରିଛି ହେଲେ ଏ ପର୍ଯ୍ୟନ୍ତ କୌଣସି ପଦକ୍ଷେପ ନିଆଯାଇ ନାହିଁ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
