ମହାରଥୀଙ୍କ ବାଣ: ଯିଏ ଅଳିଆକୁ ଯିବ, ସେ ଘଳିଆରେ ପଡ଼ିବ

ଭୁବନେଶ୍ୱର (ଓଡ଼ିଶା ରିପୋର୍ଟର): ଯିଏ ଅଳିଆକୁ ଯିବ, ସେ ଘଳିଆରେ ପଡ଼ିବ। ବିଜେଡି ନେତାଙ୍କ ଗହଣରେ, ଚିଟ୍‌ଫଣ୍ଡ କେଳେଙ୍କାରୀରେ ସଂପୃକ୍ତ ବ୍ୟକ୍ତି ବସିବା ପ୍ରସଙ୍ଗରେ ଏଭଳି ପ୍ରତିକ୍ରିୟା ରଖିଛନ୍ତି କୃଷିମନ୍ତ୍ରୀ ପ୍ରଦୀପ ମହାରଥୀ। ସେ ଆହୁରି କହିଛନ୍ତି-“ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ନିଟ୍ ଆଣ୍ଡ କ୍ଳିନ୍। ଦଳର ବନ୍ଧୁମାନେ ବି ନିଟ୍ ଆଣ୍ଡ କ୍ଳିନ୍।”

ମୁମ୍ବାଇରେ ଅନୁଷ୍ଠିତ “ଦି ଟଲମ୍ୟାନ୍‌-ବିଜୁ ପଟ୍ଟନାୟକ” ପୁସ୍ତକର ଉନ୍ମୋଚନ ଉତ୍ସବରେ ସି-ସୋର୍ ମାମଲାରେ ସିବିଆଇ ଦ୍ୱାରା ଜେରା ହୋଇଥିବା ବିପିନ ବିହାରୀ ମିଶ୍ରଙ୍କ ଉପସ୍ଥିତିକୁ ନେଇ ବିବାଦ ସୃଷ୍ଟି ହୋଇଥିଲା। ସଭାର ଆଗଧାଡ଼ିରେ ମନ୍ତ୍ରୀ ପ୍ରତାପ ଜେନା ଓ ବିଜେଡି ମୁଖପାତ୍ର ଦେବାଶିଷ ସାମନ୍ତରାୟଙ୍କ ମଝିରେ ବସିଥିଲେ ବିପିନ୍। ସେ କେବଳ ଆଗଧାଡ଼ିରେ ବସିନଥିଲେ, ମୁଖ୍ୟମନ୍ତ୍ରୀଙ୍କୁ ସଭାକୁ ସ୍ୱାଗତ ମଧ୍ୟ କରିଥିଲେ।