ଭୁବନେଶ୍ୱର(ଓଡ଼ିଶା ରିପୋର୍ଟର):ବେକାରୀଙ୍କୁ ବକ୍ରା ବନାଉଥିଲେ ଭାବି ଶ୍ୱଶୁର-ଜ୍ୱାଇଁ । ଟାଟା ମୋଟର୍ସରେ ଚାକିରି ପାଇଁ ବିଧାୟକ ପ୍ରଦୀପ ପାଣିଗ୍ରାହୀଙ୍କ ଆକାଉଣ୍ଟକୁ ଲକ୍ଷାଧିକ ଟଙ୍କା ପଠାଇଥିଲେ ଆଶାୟୀ । ଚାକିରି ନାଁରେ ବେକାର ଯୁବକ ଯୁବତୀଙ୍କୁ ଟାର୍ଗେଟ୍ କରୁଥିଲେ ଭାବି ଜ୍ୱାଇଁ ଆକାଶ ପାଠକ ଓ ପ୍ରଦୀପ ପାଣିଗ୍ରାହୀ ଆଜି ପ୍ରେସମିଟ୍ କରି କ୍ରାଇମବ୍ରାଞ୍ଚ ଏଡିଜି ସୌମେନ୍ଦ୍ର ପ୍ରିୟଦର୍ଶୀ କହିଛନ୍ତି। ଆକାଶ ପାଠକ ଟାଟା ମୋଟର୍ସର ଏମ୍ଡି କହି ଚାକିରି ଆଶାୟୀଙ୍କ ଠାରୁ ବିପୁଳ ପରିମାଣର ଟଙ୍କା ନେଇଛନ୍ତି ।
୬ ଜଣ ଅଭିଯୋଗକାରୀଙ୍କ ଏତଲା ଭିତ୍ତିରେ ମାମଲା ହୋଇଛି। ସେମାନଙ୍କ ଭିତରୁ ୨ ଜଣ ପ୍ରଦୀପ ପାଣିଗ୍ରାହୀଙ୍କ ଆକାଉଣ୍ଟକୁ ଟଙ୍କା ଦେଇଛନ୍ତି। ଅନ୍ୟ ୪ ଜଣ ପ୍ରଦୀପ ଓ ତାଙ୍କ ଘନିଷ୍ଠ ସହଯୋଗୀଙ୍କ ଜରିଆରେ ଟଙ୍କା ଦେଇଥିବା ସ୍ପଷ୍ଟ ହୋଇଛି । ଠକାମୀର ଶୀକାର ଯୁବକ ଯୁବତୀ ଭୟ ନକରି ପୁଲିସ ପାଖରେ ରିପୋର୍ଟ କରିବାକୁ ପରାମର୍ଶ ଦେଇଛନ୍ତି କ୍ରାଇମବ୍ରାଞ୍ଚ ଏଡିଜି ।
ଆକାଶ ପାଠକକୁ କ୍ରାଇମବ୍ରାଂଚ୍ ୫ ଦିନିଆ ରିମାଣ୍ଡରେ ନେବା ପରେ ଠକେଇର ଚେର ଓ ପ୍ରଦୀପ ପାଣିଗ୍ରାହୀଙ୍କ ଭୂମିକା ଏବଂ ତାଙ୍କ ସହଯୋଗୀଙ୍କ ବାବଦରେ ଅଧିକ ଛାନଭିନ କରାଯାଉଛି ବୋଲି ସୌମେନ୍ଦ୍ର କହିଛନ୍ତି । ସେପଟେ କ୍ରାଇମବ୍ରାଞ୍ଚ୍ ଟିମ୍ ଆଜି ବ୍ରହ୍ମପୁର ଏସପିଙ୍କ କାର୍ଯ୍ୟାଳୟରେ ଛାନଭିନ୍ କରିଛି। ପ୍ରଦୀପଙ୍କୁ ଟଙ୍କା ଦେଇଥିବା କିଛି ବ୍ୟକ୍ତିଙ୍କୁ ଡାକି ଜେରା କରିଛି କ୍ରାଇମବ୍ରାଞ୍ଚ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
