ମିଛ କହି ଧରାପଡିଲେ ପ୍ରତାପ ଦେବ:  ସାମ୍ବାଦିକ ସମ୍ମିଳନୀରେ କହିଲେ ଓଟିଭି ଦାୟୀ, ଘରେ କଥା ଗୋଳେଇଲେ

<p>ଭୁବନେଶ୍ୱର(ଓଡିଶା ରିପୋର୍ଟର): ବିଜେଡି ନେତା ପ୍ରତାପ ଦେବ ଜଣେ ଷ୍ଟେଟ୍&zwnj; ଫରୱାର୍ଡ ନେତା ଭାବରେ ଜଣାଶୁଣା। କିନ୍ତୁ ଦଳୀୟ ଫାଇଦା ପାଇଁ ସେ ଯେ ସମସ୍ତଙ୍କ ଆଗରେ ଡାହା ମିଛ କହିପାରନ୍ତି ତାହା ଆଜି ଧରାପଡିଯାଇଛି। ତାଙ୍କୁ ଧରା ପକାଇ ଦେଇଛନ୍ତି ପୋଲିସ କମିଶନର।</p><p>ଘଟଣାଟି ଏମିତି। ସରକାରୀ ଅଧିକାରୀ ହୋଇ ଏକ ନିର୍ଦ୍ଦିଷ୍ଟ ଦଳ ପାଇଁ କାମ କରୁଥିବା ଅଭିଯୋଗରେ ବିଜେପି ଯୁବମୋର୍ଚ୍ଚାର କର୍ମୀ ଆଜି ମୁଖ୍ୟମନ୍ତ୍ରୀଙ୍କ ବ୍ୟକ୍ତିଗତ ସଚିବ ଭି. କାର୍ତ୍ତିକେୟନ୍&zwnj; ପାଣ୍ଡିଆନ୍&zwnj;ଙ୍କ ସରକାରୀ କ୍ୱାର୍ଟର୍ସ ପରିସରକୁ ଧସେଇ ପଶି ଭଙ୍ଗାରୁଜା କରିବା ସହ ଫାଟକକୁ ଗୋବରମାଡ଼ କରିଥିଲେ। ଏହି&nbsp; ଘଟଣାରେ ପୋଲିସ୍ ୪ ଜଣଙ୍କୁ ଗିରଫ କରିଥିବା ବେଳେ ବିଜେଡି ପକ୍ଷରୁ ଏକ ନିର୍ଦ୍ଧିଷ୍ଟ ଗଣମାଧ୍ୟମ ଏହି ଘଟଣାରେ ସମ୍ପୃକ୍ତ ବୋଲି ଅଭିଯୋଗ ହୋଇଥିଲା। ଏହି ଘଟଣା ଲାଗି ଓଟିଭି ଦାୟୀ ବୋଲି ସିଧାସଳଖ ଏକ ସାମ୍ବାଦିକ ସମ୍ମିଳନୀରେ କହିଥିଲେ ସାଂସଦ ତଥା ବିଜେଡି ମୁଖପାତ୍ର ପ୍ରତାପ ଦେବ।</p><p>ସେ ନିଜ ବିବୃତ୍ତିରେ କହିଥିଲେ ଯେ, &ldquo;ସକାଳେ ଏହି ଘଟଣା ଘଟିବା ସମୟରେ ଓଟିଭି ରିପୋର୍ଟର ଏଠାରେ ପହଞ୍ଚି ସାରିଥିଲେ। ଏକ ନିର୍ଦ୍ଧିଷ୍ଟ ଗଣମାଧ୍ୟମ ଏଠାରେ କିଭଳି ପହଞ୍ଚିଲା&rdquo; ବୋଲି କହି ପ୍ରତାପ ଦେବ ପରୋକ୍ଷରେ ଓଟିଭି ଉପରେ ଦାଉ ସାଧିଥିଲେ। ଅଭିଯୋଗ କରିଥିଲେ ଆଗାମୀ ଦିନରେ ହେବାକୁ ଥିବା ବିଜେପୁର ନିର୍ବାଚନରେ ହାରିବା ଭୟରେ ଭାଜପା ଏଭଳି କାଣ୍ଡ ଘଟାଉଛି। ଏଣେ ଏହି ଘଟଣା ପାଇଁ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଓ ସାଂସଦ ବୈଜୟନ୍ତ ପଣ୍ଡା ଦାୟୀ ବୋଲି ଅଭିଯୋଗ କରିଥିଲେ।</p><p>ସୂଚନାଯୋଗ୍ୟ, ପାଣ୍ଡିଆନ୍&zwnj;ଙ୍କ ଘରେ ଉପରେ ଆକ୍ରମଣ ସମୟରେ କେବଳ ଓଟିଭି ନୁହେଁ ଅନ୍ୟ ଟିଭି ଚ୍ୟାନେଲ ଓ ଖବରକାଗଜର ରପୋର୍ଟରମାନେ ମଧ୍ୟ ଉପସ୍ଥିତ ଥିଲେ। ହେଲେ ମାନ୍ୟବର ସାଂସଦ କାହିଁକି କେବଳ ଓଟିଭିକୁ ଆକ୍ରମଣ କଲେ ତାହା ଅତ୍ୟନ୍ତ ନିନ୍ଦନୀୟ ବୋଲି ବିଭିନ୍ନ ମହଲରୁ ଚର୍ଚ୍ଚା ଜୋର ଧରିଛି।</p><p>ଘଟଣାସ୍ଥଳର ଭିଡିଓ ପ୍ରସାରିତ ହେବା ପରେ ଏ ସମ୍ପର୍କରେ ପ୍ରତାପ ଦେବଙ୍କ ମତାମତ ନିଆଯାଇଥିଲା। ଓଟିଭିକୁ ସେ କହିଁକି ଏଭଳି ଦାୟୀ କଲେ ବୋଲି ପ୍ରଶ୍ନ ପଚରାଯିବାରୁ ସେ କଥା ଗୋଳାଇବାକୁ ଲାଗିଥିଲେ। ସକାଳେ ସର୍ବସମ୍ମୁଖରେ ପ୍ରେସ୍&zwnj; କନ୍&zwnj;ଫରେନ୍ସରେ ଓଟିଭିକୁ ଦାୟୀ କରିଥିବା ଏହି ସାଂସଦ ପିଲାଳିଆ ଢଙ୍ଗରେ ତାଙ୍କ ବ୍ୟକ୍ତିଗତ ସହାୟକଙ୍କଠାରୁ ଏହି ଗଣମାଧ୍ୟମର ନାଁ ଶୁଣି ଏମିତି କହିଥିଲେ ବୋଲି ଉତ୍ତର ରଖିଥିଲେ ।</p><p>ଅନ୍ୟପକ୍ଷରେ ଘଟଣା ସମ୍ପର୍କରେ ପୋଲିସ କମିଶନର ୱାଇ.ବି.ଖୁରାନିଆ ଭିନ୍ନ ମତ ଦେଇଛନ୍ତି। ସେ କହିଛନ୍ତି ଯେ, ଏ ସମ୍ପର୍କରେ ପୋଲିସ ଆଗରୁ ଅବଗତ ଥିଲା। ଠିକ୍&zwnj; ସମୟରେ ଘଟଣାସ୍ଥଳରେ ପୋଲିସ ପହଞ୍ଚିବାରୁ ଅଭିଯୁକ୍ତଙ୍କୁ ଗିରଫ କରାଯାଇ ପାରିଛି।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।