ପୁରୀ: ସୁରକ୍ଷା ବ୍ୟବସ୍ଥାର ସମୀକ୍ଷା କଲେ ଡିଜି

ପୁରୀ:ନବକଳେବରକୁ ଦୃଷ୍ଟିରେ ରଖି ପୁରୀରେ ସୁରକ୍ଷା ବ୍ୟବସ୍ଥାର ସମୀକ୍ଷା କରିଛନ୍ତି ପୋଲିସ ଡିଜି ସଞ୍ଜୀବ ମାରିକ। ଏ ନେଇ ପୁରୀ ଏସପିଙ୍କ କାର୍ଯ୍ୟାଳୟରେ ପୁରୀ ଜିଲ୍ଲାପାଳ ତଥା ଅନ୍ୟ ବରିଷ୍ଠ ପୋଲିସ ଅଧିକାରୀଙ୍କୁ ନେଇ ଏକ ଉଚ୍ଚସ୍ତରୀୟ ବୈଠକ ହୋଇଥିଲା। ନବକଳେବର ସମୟରେ ପୁରୀକୁ ଲକ୍ଷାଧିକ ଲୋକଙ୍କ ସମାଗମ ହେବାକୁ ଥିବାରୁ ଏହାକୁ ଦୃଷ୍ଟିରେ ରଖି ସହରର ସୁରକ୍ଷା ବ୍ୟବସ୍ଥା, ଟ୍ରାଫିକ ନିୟନ୍ତ୍ରଣ, ପାର୍କିଂ ଆଦି ପ୍ରସଙ୍ଗ ନେଇ ଡିଜି ସମୀକ୍ଷା କରିଛନ୍ତି। ଏହାପୂର୍ବରୁ ପୋଲିସ ଡିଜି ଜାତୀୟ ରାଜପଥରେ ନିର୍ମାଣାଧୀନ ସମଜାଦପୁର ଓଭରବ୍ରିଜ୍, ମାଳତୀପାଟପୁର ଷ୍ଟେସନ, ବସଷ୍ଟାଣ୍ଡ୍ ଏବଂ ବୀର ହରେକୃଷ୍ଣପୁର-ମଙ୍ଗଳାଘାଟ ରାସ୍ତା ତଥା ପାର୍କିଂ ସ୍ଥାନ ବୁଲି ଦେଖିଥିଲେ।