ଝାରସୁଗୁଡା (ଓଡ଼ିଶା ରିପୋର୍ଟର): ଜେଲ୍ ପରିସରରେ ଥିବା ଗଛରେ ଝୁଲିପଡ଼ିଲେ ଜଣେ କଏଦୀ! ଆଜି ଏପରି ଅଭିଯୋଗ ଝାରସୁଗୁଡ଼ା ଉପ କାରାଗାରରୁ ଆସିଛି। ମୃତ କଏଦୀ ଜଣକ ଦୁଷ୍କର୍ମ ମାମଲାରେ ଜେଲ୍ରେ ବନ୍ଦୀ ଜୀବନ କାଟୁଥିଲେ।
୨୦୧୫ ମସିହାରେ ଏକ ଦୁଷ୍କର୍ମ ମାମଲାରେ ଗିରଫ ହୋଇଥିଲା ବଡ଼ମାଲ ଥାନା ବୃନ୍ଦାମାଲ ଗାଁର ସୁବାସ ରୋହିଦାସ। ୨୦୨୨ ଜୁଲାଇ ୨୭ ତାରିଖରେ ସେ ଦୋଷୀ ସାବ୍ୟସ୍ତ ହୋଇଥିଲା। ମାନ୍ୟବର କୋର୍ଟ ତାକୁ ୧୦ ବର୍ଷ ଦଣ୍ଡାଦେଶ ଶୁଣାଇ ଥିଲେ। ତା’ପରଠାରୁ ସେ ଝାରସୁଗୁଡା ଉପ କାରାଗାରରେ ବନ୍ଦୀ ଜୀବନ କାଟୁଥିଲା।
ଆଜି ଅପରାହ୍ନ ୨ଟା ୨୦ ମିନିଟ୍ରେ ସୁବାସ ଜେଲ ପରିସରରେ ଥିବା ଏକ ଗଛରେ ଗାମୁଛା ଲଗାଇ ଝୁଲି ପଡ଼ିଥିବା ଅଭିଯୋଗ ହୋଇଥିଲା। ତାକୁ ଉଦ୍ଧାର କରାଯାଇ ଜିଲ୍ଲା ମୁଖ୍ୟ ହସ୍ପିଟାଲକୁ ଅଣାଯାଇଥିଲା। ଡାକ୍ତର ତାକୁ ମୃତ ଘୋଷଣା କରିଥିଲେ। ଶବ ବ୍ୟବଚ୍ଛେଦ ପରେ ଅଧିକ ତଦନ୍ତ କରାଯିବ ବୋଲି ଜେଲ କର୍ତ୍ତୃପକ୍ଷ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
