ଜେଲ୍‌ରେ ବନ୍ଦୀଙ୍କ ଆତ୍ମହତ୍ୟା!

ମାଲକାନଗିରି (ଜିତେନ୍ଦ୍ର ବେଉରା): ଜେଲ୍‌ ଭିତରେ ଜଣେ ବନ୍ଦୀଙ୍କ ମୃତ୍ୟୁ ଘଟିଛି। ବେକରେ ଗଭୀର କ୍ଷତ ଚିହ୍ନ ଥିବାରୁ କୌଣସି ଧାରୁଆ ଅସ୍ତ୍ରରେ କାଟି ଦେଇଥିବା ସନ୍ଦେହ କରାଯାଉଛି। ଆଜି ଏପରି ଅଭିଯୋଗ ମାଲକାନଗିରି ଉପ କାରାଗାରରୁ ଆସିଛି।

ଅଭିଯୋଗରୁ ପ୍ରକାଶ, ଗତକାଲି ଅପରାହ୍ନରେ ଧନୁ ଗୋଲାରୀ ଧାରୁଆ ଅସ୍ତ୍ରରେ ବେକ କାଟି ଦେଇଥିଲେ। ତାଙ୍କୁ ଗୁରୁତର ଅବସ୍ଥାରେ ମାଲକାନଗିରି ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ଚିକିତ୍ସାଧୀନ ଅବସ୍ଥାରେ ଆଜି ତାଙ୍କର ମୃତ୍ୟୁ ଘଟିଛି।

ମୃତ ଧନୁ ଗୋଲାରୀଙ୍କ ଘର ସ୍ୱାଭିମାନ ଅଞ୍ଚଳର ଖଜୁରୀଗୁଡା ଗାଁରେ। ଦୁଇ ମାସ ତଳେ ନକ୍ସଲ ମାମଲାରେ ପୁଲିସ ତାଙ୍କୁ ଗିରଫ କରିଥିଲା। ଜେଲରେ ଥିବା ବେଳେ ଧାରୁଆ ଅସ୍ତ୍ରରେ ବେକ କାଟି ଦେଇଥିଲା। ତେବେ ଏଠି ପ୍ରଶ୍ନ ଉଠୁଛି, ଧନୁ ଜେଲ ଭିତରେ ଧାରୁଆ ଅସ୍ତ୍ର ପାଇଲା କେଉଁଠୁ? ଏହା ଆତ୍ମହତ୍ୟା ନା ଯୋଜନା ବଦ୍ଧ ହତ୍ୟାକାଣ୍ଡ, ତାହା ତଦନ୍ତ ସାପେକ୍ଷ।

ମାସ ମଧ୍ୟରେ କାରାଗାରରେ ୩ ଜଣଙ୍କର ମୃତ୍ୟୁ ହୋଇ ସାରିଲାଣି।

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।