ଭଞ୍ଜନଗର (ରାଜେଶ କୁମାର ପଣ୍ଡା): ଦେଲେନି ଦଶହରା ଖର୍ଚ୍ଚ। ରାଗି ଯାଇ ଜଳ ଯୋଗାଣ ବନ୍ଦ କରିଦେଲ ପମ୍ପ ଡ୍ରାଇଭର। ଏଭଳି କିଛି ଅଭିଯୋଗ ଆଣି ପିଇବା ପାଣି ନପାଇ ରାସ୍ତା ଅବରୋଧ କରିଛନ୍ତି ଗଞ୍ଜାମ ଜିଲ୍ଲାର ଜଗନ୍ନାଥ ପ୍ରସାଦ ବ୍ଲକ ପାଟରୀପଲ୍ଲୀ ଅରଖପଲ୍ଲୀ ଗାଁ ଲୋକେ।
ଏହି ଗାଁରେ ୩୦୦ରୁ ଉର୍ଦ୍ଧ୍ୱ ଲୋକ ରୁହନ୍ତି। ଏବେ ପିଇବା ପାଇଁ ପାଣି ନପାଇ ସେମାନେ ଛଟପଟ ହେଉଛନ୍ତି। ତେଣୁ ଗାଁ ରାସ୍ତରେ ହାଣ୍ଡି ମାଠିଆ ରଖି ସେମାନେ ବିକ୍ଷୋଭ ପ୍ରଦର୍ଶନ କରିଛନ୍ତି।
ସୂଚନା ମୁତାବକ ପାଟରାପଲ୍ଲୀ ଗାଁ ଲୋକେ ପାଣି ପାଇଁ ମାସକୁ ପ୍ରତି ଘର ପିଛା ୩୦ ଟଙ୍କା ଦିଅନ୍ତି। ହେଲେ ପଞ୍ଚାୟତ ପାଣି ପମ୍ପ ଡ୍ରାଇଭର ଘର ପିଛା ଆଉ ୫୦ ଟଙ୍କା ଲେଖାଏଁ ଦଶହରା ଖର୍ଚ୍ଚ ମାଗିଥିଲା। କିନ୍ତୁ ଲୋକେ ଟଙ୍କା ନେଦେବାରୁ ରାଗ ରଖି ଡ୍ରାଇଭର ଜଳ ଯୋଗାଣ ବନ୍ଦ କରିଦେଇଥିବା ଅଭିଯୋଗ ହୋଇଛି। ପିଇବା ପାଣି ନମିଳିବା ଯାଏଁ ରାସ୍ତାରୁ ଉଠିବୁ ନାହିଁ ବୋଲି ଗାଁ ଲୋକେ ଚେତାବନୀ ଦେଇଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।