ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ: ପୁରୀ ଜିଲ୍ଲା ନିମାପଡ଼ା ସବ୍‌ଜେଲ୍‌ରେ ଜଣେ ବିଚାରାଧୀନ ବନ୍ଦୀ ଆତ୍ମହତ୍ୟା ଉଦ୍ୟମ କରିଛନ୍ତି। ସେ ହେଉଛନ୍ତି ବହୁଚର୍ଚ୍ଚିତ ସାଇକୋ କିଲର ବୁଦ୍ଧଦେବ ବେହେରା। ଗତକାଲି ରାତିରେ ବୁଦ୍ଧଦେବ ବ୍ଲେଡରେ ଶରୀରର ବିଭିନ୍ନ ଅଂଶ କାଟି ଆତ୍ମହତ୍ୟା ଉଦ୍ୟମ କରିଛନ୍ତି। ଡେଲାଙ୍ଗ ଜଗଦଳପୁର ଜଙ୍ଗଲରେ ମହିଳାଙ୍କୁ ଦୁଷ୍କର୍ମ ଓ ହତ୍ୟା ଘଟଣାରେ ସେ ଗିରଫ ହୋଇ ନିମାପଡ଼ା ସବ୍‌ଜେଲରେ ଅଛନ୍ତି।</p> <p>ଆଜି ତାକୁ ସଂଜ୍ଞାହୀନ ଅବସ୍ଥାରେ ପ୍ରଥମେ ପୁରୀ ସଦର ଡାକ୍ତରଖାନରେ ଭର୍ତ୍ତି କରାଯାଇଥିଲା। ହେଲେ ତାଙ୍କ ସ୍ୱାସ୍ଥ୍ୟାବସ୍ଥା ଗୁରୁତର ହେବାରୁ କଟକ ଏସ୍‌ସିବିକୁ ସ୍ଥାନାନ୍ତର କରାଯାଇଛି। କେଉଁ କାରଣରୁ ସେ ଏପରି କରିଛନ୍ତି ତାହା ଜଣାପଡ଼ିନାହିଁ।</p> <p>ବୁଦ୍ଧଦେବଙ୍କୁ ଜେଲ୍ ଭିତରେ ଏକ ସ୍ୱତନ୍ତ୍ର କୋଠରୀରେ ସିସିଟିଭି କ୍ୟାମେରାର ଲେନ୍ସରେ ରଖିଯାଇଥିଲା। ସେ ଜେଲ୍ ଭିତରେ ବ୍ଲେଡ୍ କେଉଁଠୁ ପାଇଲା ତାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଛି। ବୁଦ୍ଧଦେବ ନାଁରେ ଓଡ଼ିଶା, ଆନ୍ଧ୍ରପ୍ରଦେଶ ଓ ଛତିଶଗଡ଼ରେ ୫ଟି ଦୁଷ୍କର୍ମ ଓ ହତ୍ୟା ମାମଲା ରହିଛି। ଗତ ୨୦୧୨ ଜୁଲାଇ ୨୭ରେ ପୋଲିସ୍ ହେପାଜତ୍‌ରେ ଥାଇ ଦେବଗଡ଼ ଡାକ୍ତରଖାନାରୁ ଚମ୍ପଟ୍ ମାରିଥିଲେ ବୁଦ୍ଧଦେବ। ରାଇକିଆର ଅନୀତା ନାୟକ ଓ ଆଙ୍କୋଇର ପ୍ରୀତି ଭୋଇଙ୍କୁ ଦୁଷ୍କର୍ମ ଓ ହତ୍ୟା ଅଭିଯୋଗରେ ତାକୁ ଗତ ଅଗଷ୍ଟ ମାସରେ ପୁଣି ଗିରଫ କରାଯାଇଥିଲା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
