ପୁରୀ: ଆଗେଇ ଚାଲିଛି ଚତୁର୍ଦ୍ଧାମୂର୍ତ୍ତିଙ୍କ ବିଗ୍ରହ ନିର୍ମାଣ କାର୍ଯ୍ୟ

ପୁରୀ: ମହାପ୍ରଭୁ ଶ୍ରୀଜଗନ୍ନାଥଙ୍କ ନବକଳେବରର ଦ୍ୱିତୀୟ ପର୍ଯ୍ୟାୟ ଅର୍ଥାତ୍ ଅନ୍ତଃବନଯାଗ ଆରମ୍ଭ ହୋଇଛି।ଗତକାଲି ଶ୍ରୋତ୍ରୀୟ ବ୍ରାହ୍ମଣଙ୍କ ତତ୍ତ୍ୱବଧାନରେ ମହାଯଜ୍ଞ ସହ ନିର୍ମାଣ କୁଟୀରରେ ଆରମ୍ଭ ହୋଇଛି ଚତୁର୍ଦ୍ଧାମୂର୍ତ୍ତିଙ୍କ ବିଗ୍ରହ ନିର୍ମାଣ କାମ। ପୋଥି ଏବଂ ଯବ ମାପ ଅନୁସାରେ ଦଇତାପତି ଓ ବାଡ଼ଗ୍ରାହୀଙ୍କ ତତ୍ତ୍ୱବଧାନରେ କାମରେ ଲାଗିଛନ୍ତି ୧୦ ଜଣ ବିଶ୍ୱକର୍ମା ମହାରଣା। କେହି ଯେପରି ଏହି ଗୁପ୍ତନୀତି ଦେଖି ନପାରିବେ ସେଥିପାଇଁ କୋଇଲି ବୈକୁଣ୍ଠ ପରିସରକୁ ସମ୍ପୂର୍ଣ୍ଣ ଆବଦ୍ଧ କରାଯାଇଛି। ତାସହ ପ୍ରତିମା ଗଢ଼ା ଯିବା ବେଳର ଶବ୍ଦ ମଧ୍ୟ ଯେପରି କାହାରି କାନରେ ନପଡେ଼ ସେଥିପାଇଁ ତେଲେଙ୍ଗି ବାଇଦ ଓ ଘଣ୍ଟ ବାଦ୍ୟରେ କମ୍ପୁଛି କୋଇଲି ବୈକୁଣ୍ଠ ପରିସର। ସେପଟେ ୧୬ ଶାସନର ଅନ୍ୟ ବ୍ରାହ୍ମଣମାନେ ଶ୍ରୀମନ୍ଦିର ପରିସରରେ ଥିବା ମାଆ ବିମଳା ଓ ମହାଲକ୍ଷ୍ମୀଙ୍କ ସହ ଶ୍ରୀକ୍ଷେତ୍ରରେ ଅବସ୍ଥାନ କରୁଥିବା ଅଷ୍ଟଚଣ୍ଡୀ, ଅଷ୍ଟଶମ୍ଭୁ ଓ ପଞ୍ଚମହାଦେବଙ୍କ ପୀଠରେ ଚଣ୍ଡିପାଠ ଓ ଜପ ଜଜ୍ଞ କରୁଛନ୍ତି। ଯାହା ଆସନ୍ତା ୧୧ ଦିନ ଧରି ଚାଲିବ।