ଗର୍ଭଗୃହରେ ଦିଅଁ ଦର୍ଶନକୁ ନେଇ ବିବାଦ: ବିନାୟକ କହିଲେ-ସରକାର ରଥଯାତ୍ରା ବି ବନ୍ଦ କରି ଦିଅନ୍ତୁ

<p>ପୁରୀ: ଶ୍ରୀମନ୍ଦିର ଗର୍ଭଗୃହରେ ସର୍ବସାଧାରଣ ଦର୍ଶନ ସମ୍ପୂର୍ଣ୍ଣ ବନ୍ଦ ପାଇଁ ସଂସ୍କାର କମିଶନଙ୍କ ସୁପାରିଶ ପାଳନ କରିବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର। ରାଜ୍ୟ ଆଇନ୍ ବିଭାଗ ପକ୍ଷରୁ ଏନେଇ ତତ୍ପରତା ପ୍ରକାଶ ପାଇଛି। ଶ୍ରୀମନ୍ଦିର ମୁଖ୍ୟ ପ୍ରଶାସକ ଏବଂ ଜିଲ୍ଲାପାଳଙ୍କୁ ଏ ସମ୍ପର୍କରେ କଡା ଚିଠି ମଧ୍ୟ ଲେଖିଛି ଆଇନ ବିଭାଗ।</p> <p>ସଂସ୍କାର କମିଶନଙ୍କ ସୁପାରିଶ ଅନୁସାରେ, ଗର୍ଭଗୃହ ଭିତରେ ଆଉ ସର୍ବସାଧାରଣ ଦର୍ଶନ ହେବ ନାହିଁ। ଭିଆଇପି ଭକ୍ତମାନେ ଏଣିକି ଭିତରକାଠ ପାଖରୁ ଶ୍ରୀଜିଉଙ୍କୁ ଦର୍ଶନ କରିବେ। ସେବକ, ମନ୍ଦିର କର୍ମଚାରୀ ଏବଂ ପୋଲିସ କର୍ମଚାରୀଙ୍କୁ ବାୟୋମେଟ୍ରିକ ପରିଚୟପତ୍ର ପ୍ରଦାନ କରାଯିବ। କମିଶନ ଅଧ୍ୟକ୍ଷ ଜଷ୍ଟିସ୍ ବିମଳ ପ୍ରସାଦ ଦାସ ଗତ ଏପ୍ରିଲ ୨୦ରେ ପ୍ରଦାନ କରିଥିବା ଏ ସମ୍ପର୍କିତ ମଧ୍ୟବର୍ତ୍ତୀକାଳୀନ ରିପୋର୍ଟକୁ ରାଜ୍ୟ ସରକାର ଅନୁମୋଦନ କରିଥିଲେ।</p> <p>ବିଶ୍ୱାବସୁ ବିନାୟକ ଦାଶ ମହାପାତ୍ର କହିଛନ୍ତି-ଜଗମୋହନ ମରାମତି କାମ ଚାଲିଥିବାରୁ ଗର୍ଭଗୃହର ଦର୍ଶନ ଓ ପରିମାଣିକ ଦର୍ଶନ ବନ୍ଦ କରାଯାଇଥିଲା। କିନ୍ତୁ ଏବେ ଗର୍ଭଗୃହରେ ସର୍ବସାଧାରଣ ଦର୍ଶନ ସମ୍ପୂର୍ଣ୍ଣ ବନ୍ଦ କରି ଦିଆଗଲା, ଏହା ଠିକ୍&zwnj; ନୁହେଁ। ସେବାୟତଙ୍କ ସହ ଆଲୋଚନା କରାଯିବା ପରେ ରାଜ୍ୟ ସରକାର ନିଷ୍ପତ୍ତି ନିଅନ୍ତୁ। ରଥ ଉପରେ ,ସ୍ନାନ ବେଦୀ ଉପରେ, ନବଯୌବନ ଓ ସନ୍ଧ୍ୟା ଦର୍ଶନରେ ମଧ୍ୟ&nbsp; ସାଧାରଣ ଲୋକଙ୍କୁ ବନ୍ଦ କରିଆଯାଇଛି। ସରକାର ଯଦି ଏତେ&nbsp; ଭୟଭୀତ ତାହାହେଲେ ତାହାହେଲେ ରଥଯାତ୍ରା କାହିଁକି ହେବ?&nbsp; ବିନା ପଇସାରେ&nbsp; ଗୋଟିଏ ଘଣ୍ଟା ସାଧାରଣ ଦର୍ଶନ ପାଇଁ&nbsp; ସୁଯୋଗ ଦିଆଯାଉ ବୋଲି ମୁଖ୍ୟମନ୍ତ୍ରୀଙ୍କୁ ଟ୍ୱିଟ୍&zwnj; ଯୋଗେ ଜଣାଇଛୁ।&rdquo;</p>