ପୁରୀ: ପୋଲିସ ଉପରକୁ ଅଣ୍ଡା ଓ ପଇଡ଼ ମାଡ଼। ରାସ୍ତା ହଟାଇବାକୁ ଯାଇଥିବା ପୋଲିସ୍ ଉପରେ ଏହି ଅଣ୍ଡା ମାଡ଼ ହୋଇଛି। ଅଣ୍ଡା ଏସ୍ଡିପିଓଙ୍କ ଦେହରେ ବାଜିଥିବା ଦେଖିବାକୁ ମିଳିଛି।
ଚନ୍ଦନପୁର କୋଟକଣା ଗାଁରେ ପଲ୍ଲିସଭା ଗଣ୍ଡଗୋଳରେ ଜଣେ ବ୍ୟକ୍ତି ଆହତ ହୋଇଥିଲେ। ଗତକାଲି ତାଙ୍କର ମୃତ୍ୟୁ ହୋଇଥିଲା। ଆଜି ମୃତଦେହକୁ ଧରି ଲୁଲୁ ସେନାର ସମର୍ଥକମାନେ ସମଯାଜପୁଠାରେ ଜାତୀୟ ରାଜପଥକୁ ଅବରୋଧ କରିଥିଲେ। ଖବର ପାଇ ପୋଲିସ ଆନ୍ଦୋଳନକାରୀଙ୍କୁ ରାସ୍ତାରୁ ହଟାଇବାକୁ ଚେଷ୍ଟା କରିଥିଲା। ମାତ୍ର ଆନ୍ଦୋଳନକାରୀମାନେ ପୋଲିସ ଉପରକୁ ଆକ୍ରମଣ କରିଥିଲେ। ଫଳରେ ଘଟଣାସ୍ଥଳରେ ଉତ୍ତେଜନା ପ୍ରକାଶ ପାଇଥିଲା। ଉତ୍ତେଜନା ପ୍ରଶମିତ କରିବାକୁ ଆସିଥିବା ଏସ୍ଡିପିଓ ଆନ୍ଦୋଳନକାରୀଙ୍କ ଅଣ୍ଡା ଓ ପଇଡ଼ ମାଡ଼ରୁ ବର୍ତ୍ତି ପାରିନଥିଲେ। ଅଣ୍ଡା ଏସ୍ଡିପିଓଙ୍କ ଦେହରେ ବାଜିଥିବା ଦେଖିବାକୁ ମିଳିଛି।