ପୁରୀ: ସ୍ୱର୍ଗଦ୍ୱାର ଛକ ନିକଟରେ ଜଣେ ଉଠା ଦୋକାନୀଙ୍କ ଆକ୍ରମଣରେ ୨ ଜଣ ପର୍ଯ୍ୟଟକ ଆହତ ହୋଇଛନ୍ତି। ଆହତ ପର୍ଯ୍ୟଟକମାନେ ହେଲେ ପଶ୍ଚିମବଙ୍ଗର ସୁଦୀପ ବାନାର୍ଜୀ ଏବଂ ତାଙ୍କ ମାଆ।
ପୁରୀ ବେଳାଭୂମିରେ ବୁଲୁଥିବା ବେଳେ ଏକ ପାଚେରୀ ଉପରେ ବସି ପଡିଥିଲେ ଉଭୟ। ଦୋକାନୀ ଜଣଙ୍କ ସେଠାରେ ବସିବାକୁ ସୁଦୀପ ଓ ତାଙ୍କ ମାଆଙ୍କୁ ବାରଣ କରିଥିଲେ। ପରେ ସେମାନଙ୍କୁ ଧକ୍କା ମାରିବା ସହ ପାଉଁଶ ଫାଳିଆରେ ଆକ୍ରମଣ କରିଥିଲେ। ଏ ନେଇ ସୁଦୀପ ସି-ବିଚ୍ ଥାନାରେ ଅଭିଯୋଗ କରିବା ପରେ ପୋଲିସ ଦୁଇ ଆକ୍ରମଣକାରୀଙ୍କୁ ଅଟକ ରଖିଛି।