ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ପୁରୀ: ବାଙ୍କି ମୁହାଣରେ ବଳରାମ ଦାସ ବାଲି ରଥ ନିର୍ମାଣ କରିଥିଲେ। ଏହାକୁ ନେଇ ଆମେ ବିଶ୍ୱ ଦରବାରରେ ସ୍ୱତନ୍ତ୍ର ପରିଚୟ ସୃଷ୍ଟି କରିପାରିଛେ। ଯେଉଁ ବାଲି(ବେଳାଭୂମି) ପାଇଁ ଆମେ ବିଶ୍ୱ ଦରବାରରେ ପହଞ୍ଚି ପାରିଛୁ ତାହାର ଅବସ୍ଥା ଦୟନୀୟ ହୋଇପଡ଼ିଛି। ଏଥିପ୍ରତି ବହୁ ପ୍ରଶାସନ ପାଖରେ ମୁଁ ଗୁହାରି ଜଣାଥିଲେ ମଧ୍ୟ କେହି ଶୁଣୁ ନାହାନ୍ତି। ପ୍ରଶାସନଠାରୁ ନିରାଶ ହୋଇ ଆଜି ଧାରଣାରେ ବସିଛି ବୋଲି କହିଛନ୍ତି ବିଶିଷ୍ଟ ବାଲୁକାକଳା ଶିଳ୍ପୀ ସୁଦର୍ଶନ ପଟ୍ଟନାୟକ।</p> <p>ସେ କହିଛନ୍ତି-“ପୁରୀ ବେଳାଭୂମିର ସୁରକ୍ଷା ପାଇଁ ମୁଁ ଜାଗରଣ ସୃଷ୍ଟି କରୁଛି। ସ୍ୱଚ୍ଛ ଭାରତର ମୁଁ ଓଡ଼ିଶା ବ୍ରାଣ୍ଡଆମ୍ୱାସାଡ଼ାର ଅଛି। ଏହି ଜାଗାରେ ମୁଁ ବର୍ଷବର୍ଷ ଧରି ବାଲୁକାକଳା କରୁଛି। ଏଠାକୁ ଯେତେବେଳେ ପର୍ଯ୍ୟଟକ ଆସୁଛନ୍ତି ବେଳାଭୂମିର ଅପରିଷ୍କାର ଦେଖି ମୋତେ ଯାହା କହୁଛନ୍ତି, ତାହା ଶୁଣି ହେବନାହିଁ। ଏହା ମୋ ଅନ୍ତରାତ୍ମାକୁ କଷ୍ଟ ଦେଉଛି। ମୋତେ ବାଧିଛି ବୋଲି ଆଜି ମୁଁ ଧାରଣାରେ ବସିଛି।”</p> <p>ସେ କହିଛନ୍ତି-“ବାଙ୍କି ମୁହାଣରେ ନଳା (ଅପଷ୍କାର)ପାଣି ସିଧାସଳରଖ ଯାଇ ସମୁଦ୍ରରେ ମିଶୁଛି। ଏହାଛଡ଼ା ବିଭିନ୍ନ ଆବର୍ଜନା ମଧ୍ୟ ନାଳ ପାଣିରେ ଯାଇ ବେଳାଭୂମିର ପରିବେଶ ଦୂଷିତ କରୁଛି। ଯାହାଦ୍ୱାରା ପର୍ଯ୍ୟଟକ ଅପରିଷ୍କାର ପାଣିରେ ଗାଧୋଇ ନାନା ରୋଗରେ ପଡ଼ୁଛନ୍ତି। ତେଣୁ ନଳା ପାଣିକୁ ପରିଷ୍କାର କରି ସମୁଦ୍ରକୁ ଛଡ଼ା ଯାଉ ବୋଲି ସରକାରଙ୍କୁ ଅନୁରୋଧ କରିଥିଲି। ସରକାର ଏଥିପ୍ରତି ସହମତି ଦେଇଥିଲେ। ପରେ ବେଳାଭୂମିକୁ ସଫା କରିବା ପାଇଁ କିଛି ଲୋକ ଦେଇଥିଲେ। ସେମାନେ ଦୁଇ ଦିନ ବେଳାଭୂମି ସଫା କରି କୁଆଡ଼େ ଚାଲିଗଲେ। ତା’ପରେ ବେଳାଭୂମିର ଅବସ୍ଥା ଯେମିତି ଥିଲା ଠିକ୍‌ ସେମିତି ରହିଛି। ସରକାର ଓ ପ୍ରଶାସନ ଦାବି ପୂରଣ ନକଲା ପର୍ଯ୍ୟନ୍ତ ଧାରଣା ଚାଲିବି।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
