ମାଲକାନଗିରି(ଜିତେନ୍ଦ୍ର ବେଉରା): ଘର ଆଗରେ ଛିଡ଼ା ହୋଇଥିବା ଅଟୋରେ ପଶିଗଲା ଅଜଗର। ଏହା ଦେଖି ଛାନିଆ ହୋଇ ଯାଇଥିବା ପରିବାର ଲୋକେ ସ୍ନେକ ହେଲପ୍ ଲାଇନ୍କୁ ଖବର ଦେଲେ। ସ୍ନେକ ହେଲପ ଲାଇନର ସଦସ୍ୟ ପହଞ୍ଚି ବହୁ କଷ୍ଟରେ ଅଟୋ ଇଞ୍ଜିନରୁ ଏକ ୬ଫୁଟ ଲମ୍ବର ଅଜଗର ସାପ ଉଦ୍ଧାର କଲେ। ଏପରି ଅଭାବନୀୟ ଘଟଣା ମାଲକାନଗିରି ନିକଟସ୍ଥ ଏମଭି-୭ ଗ୍ରାମରେ ଘଟିଛି।
ଏମଭି-୭ ଗ୍ରାମର ଜଣେ ବ୍ୟକ୍ତି ନିଜ ଘର ସମ୍ମୁଖରେ ଅଟୋ ରଖିଥିଲେ। ଏହି ସମୟରେ ଏକ ଅଜଗର ସାପ ଅଟୋରେ ପଶିବାର ସ୍ଥାନୀୟ ଲୋକେ ଦେଖିଲେ। ଏହାଦେଖି ସମସ୍ତେ ଭୟଭୀତ ହୋଇ ଯାଇଥିବା ବେଳେ ତୁରନ୍ତ ସ୍ନେକ ହେଲପ୍ ଲାଇନ୍କୁ ସଦସ୍ୟ ସ୍ନେହାଶିଷଙ୍କୁ ଖବର ଦେଇଥିଲେ।
ସ୍ନେହାଶିଷ ତୁରନ୍ତ ଏମଭି-୭ ଗ୍ରାମରେ ପହଞ୍ଚି ଅଜଗରଟି ଅଟୋର ଇଞ୍ଜିନ ଭିତରେ ଗୁଡ଼ାଇ ହୋଇ ରହିଥିବା ଦେଖିବାକୁ ପାଇଲେ। ଏହାପରେ ବହୁ କଷ୍ଟରେ ସାପଟିକୁ ଅଟୋର ଇଞ୍ଜିନ ଭିତରୁ ଉଦ୍ଧାର କରିଥିଲେ ।
ସାପଟିର ଲମ୍ବ ପ୍ରାୟ ୬ଫୁଟର ଥିବା ବେଳେ ଓଜନ ୧୫ କିଲୋ ରହିଥିଲା। ଅଜଗରକୁ ଉଦ୍ଧାର କରିବା ପରେ ତାକୁ ନିକଟସ୍ତ ଜଂଗଲରେ ଛାଡି ଦିଆଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
