ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): ବଲିଉଡ୍‌ର ମସ୍ତମସ୍ତ ଗର୍ଲ ରବିନା ଦେଉଛନ୍ତି ରୂପଚର୍ଯ୍ୟା ଟିପ୍ସ । ତାହା ପୁଣି ମହାପ୍ରଭୁ ଶ୍ରୀଲିଙ୍ଗରାଜଙ୍କ ମନ୍ଦିର ପରିସରରେ। ଯେଉଁଠିକୁ କ୍ୟାମେରା ଓ ମୋବାଇଲ୍ ଫୋନ୍‌ ନେବା ନିଷିଦ୍ଧ। ଏହି ସୁଟିଂକୁ ଭକ୍ତ, ସେବାୟତ, ପୋଲିସ କର୍ମି ସମସ୍ତେ ଦେଖୁଛନ୍ତି। ହେଲେ ରୋକିବାକୁ କାହାର ଯୁ ନାହିଁ। ପାର୍ବତୀ ମନ୍ଦିର ମୁଖଶାଳା ପାଖରେ ପାଖାପାଖି ୩ ମିନିଟ୍‌ ଯାଏ ରବିନା ଏଭଳି ବିୟୁଟି ଟିପ୍ସ ଦେଉଥିବା ବେଳେ ଏହାକୁ ନିଜ ମୋବାଇଲ କ୍ୟାମେରାରେ କଏଦ କରିଥିଲେ ତାଙ୍କର ଜଣେ ସହଯୋଗୀ।</p> <p>ନୋ କ୍ୟାମେରା ଜୋନ୍‌ରେ ରବିନାଙ୍କ ବିଜ୍ଞାପନ ସୁଟିଂକୁ ନେଇ ଉଠିଛି ବିବାଦ। ଘଟଣାକୁ ନେଇ ସେବାୟତ ଓ ଭକ୍ତ ସମସ୍ତେ ଅସନ୍ତୁଷ୍ଟ । ରବିନାଙ୍କ ଏହି ସୁଟିଂର ଦୃଶ୍ୟ ଭାଇରାଲ୍ ହେବା ପରେ ଆର୍କିଓଲୋଜିକାଲ୍ ସର୍ଭେ ଅଫ୍ ଇଣ୍ଡିଆ ଓ ଶ୍ରୀଲିଙ୍ଗରାଜ ମନ୍ଦିର ପ୍ରଶାସନ ପକ୍ଷରୁ ଆରମ୍ଭ ହୋଇଛି ତଦନ୍ତ।</p> <p>ସୂଚନାଯୋଗ୍ୟ, ଲିଙ୍ଗରାଜଙ୍କ ମନ୍ଦିରକୁ ମୋବାଇଲ୍ ନେବାକୁ କେବଳ ସେବାୟତଙ୍କୁ ଅନୁମତି ରହିଛି । ଏବେ ପ୍ରଶ୍ନ ଉଠୁଛି ସାଧାରଣ ଶ୍ରଦ୍ଧାଳୁଙ୍କ ଲାଗି ସିଂହଦ୍ୱାରରେ କଡାକଡି ଚେକିଂ କରାଯାଉଥିବାବେଳେ ରବିନା କାହିଁକି ଏଥିରୁ ବାଦ ପଡିଲେ ? କମିଶନରେଟ୍ ପୋଲିସ୍ ଓ ଲିଙ୍ଗରାଜ ଟେମ୍ପଲ୍ ପୋଲିସ୍‌ ଉପସ୍ଥିତିରେ କିପରି ମୋବାଇଲ୍ ନେଇ ଭିତରକୁ ଗଲେ ଓ ବିନା ବାଧାରେ ସୁଟିଂ କଲେ ତାହାକୁ ନେଇ ଉଠିଛି ପ୍ରଶ୍ନବାଚୀ।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
