କୋଣାର୍କ(ସଞ୍ଜୟ ପତି): ପୁରୀ ଜିଲ୍ଲା ନିମାପଡା ସ୍ୱୟଂ ଶାସିତ ମହାବିଦ୍ୟାଳୟରେ ରାଗିଂ। ରାଗିଂ ଚାଲିଥିବାର ଭିଡିଓ ଭାଇରାଲ। ଭିଡ଼ିଓରେ ଏହି ମହାବିଦ୍ୟାଳୟର ଦୁଇ ଜଣ ଛାତ୍ରଙ୍କୁ କିଛି ସିନିୟର ଓ ସହପାଠୀ କାନ ଧରି ଆଣ୍ଠୁ ମାଡ଼ି ବସି କ୍ଷମା ମାଗିବାକୁ ବାଧ୍ୟ କରୁଥିବା ଦେଖିବାକୁ ମିଳିଛି।
୩ ସହପାଠୀ ଛାତ୍ରୀଙ୍କ ସହିତ ଅଶାଳୀନ ବ୍ୟବହାର କରିବାରୁ ତାଙ୍କୁ ଏଭଳି ଦଣ୍ଡ ଦିଆଯାଉଥିବା ଭିଡ଼ିଓରୁ ଶୁଣିବାକୁ ମିଳୁଛି। ଛାତ୍ର ଦୁଇଜଣ ହାତ ଯୋଡ଼ି ଏଭଳି ଆଉ ନ କରିବେନି ବୋଲି ଅନୁନୟ ବିନୟ ହେଉଛନ୍ତି। ପରେ ତାଙ୍କୁ ଛାଡ଼ି ଦିଆଯାଉଛି। ହେଲେ ଭିଡିଓ ଭାଇରାଲ କରିବାକୁ ଏହି ସମୟରେ ଧମକ ଦିଆଯାଉଛି।
ତେବେ ଏହି ସମୟରେ ବହୁ ସଂଖ୍ୟାରେ ବିଦ୍ୟାର୍ଥୀ ଭିଡ଼ିଓ କରୁଥିବା ଓ କ୍ଷମା ମାଗିବାକୁ ବାଧ୍ୟ କରୁଥିବା ବେଳେ କଲେଜ କ୍ୟାମ୍ପସରେ ଥିବା ଶତାଧିକ ଛାତ୍ରଛାତ୍ରୀ ଘଟଣା ଦେଖୁଛନ୍ତି।
ତେବେ ଏହି ଭାଇରାଲ ଭିଡିଓ ସମ୍ପର୍କରେ କଲେଜ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନି। ଏହା କେବର ଘଟଣା ତାହା ମଧ୍ୟ ଜଣାପଡ଼ିନି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
