ଭୁବନେଶ୍ୱର(ଓଡ଼ିଶା ରିପୋର୍ଟର): ସସ୍ ହେଉ କି ଘିଅ, ପୂଜା ସାମଗ୍ରୀ ହେଉ କି ଗଙ୍ଗାଜଳ । ଗତ କିଛିଦିନ ହେଲା ଟୁଇନ୍ସିଟିରେ କ୍ରମାଗତ ଭାବେ ଏସବୁ ସାମଗ୍ରୀକୁ ନକଲି କରି ବିକ୍ରି କରୁଛନ୍ତି ଅସାଧୁ ବ୍ୟବସାୟୀ । ଏଭଳି ସ୍ଥିତିରେ ଏବେ ରାଜଧାନୀରେ ସାମ୍ନାକୁ ଆସିଛି ନକଲି ୱାଟର ବଟ୍ଲିଂ କାରଖାନା ।
ଭୁବନେଶ୍ୱର ଚନ୍ଦକା ଅଞ୍ଚଳରୁ ଏହି ନକଲି ୱାଟର ବଟ୍ଲିଂ କାରଖାନାକୁ ଠାବ କରିଛି ପୁଲିସ୍ । ଯେଉଁଠି ନାମୀଦାମୀ କଂପାନୀର ବ୍ରାଣ୍ଡ ବ୍ୟବହାର କରି ବିକ୍ରିବଟା ଚାଲୁଥିବା ଅଭିଯୋଗ ହୋଇଛି । ଏହି ଅଭିଯୋଗ ପରେ ପୁଲିସ୍ ଏହି କାରଖାନା ଉପରେ ଚଢ଼ାଉ କରିଛି । ଆଉ ଚଢ଼ାଉ ପରେ ଜବତ ହୋଇଛି ପାଣି ବୋତଲ ସହ ବିଭିନ୍ନ ବ୍ରାଣ୍ଡ୍ର ଷ୍ଟିକର୍ । ଏହି ଘଟଣାରେ ପୋଲିସ ୨ ଜଣଙ୍କୁ ଗିରଫ କରିଥିବା ସୂଚନା ମିଳିଛି ।