ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଉମରକୋଟ (କାର୍ତ୍ତିକ ମଲ୍ଲିକ): ନବରଙ୍ଗପୁର ଜିଲ୍ଲା ରାଇଘର ବ୍ଲକ କାର୍ଯ୍ୟାଳୟରେ ବିଭିନ୍ନ ଉନ୍ନୟନ ମୂଳକ କାର୍ଯ୍ୟ ପାଇଁ ପିସି କାରବାର ହେଉଥିବା ଅଭିଯୋଗ ହୋଇଛି। ସ୍ଥାନୀୟ ଜନ ପ୍ରତିନିଧି ଓ ବିଜେପି କର୍ମୀ ଏପରି ଅଭିଯୋଗ ଆଣିବା ସହ ଆଜି ବ୍ଲକ କାର୍ଯ୍ୟାଳୟ ଘେରାଉ କରିଥିଲେ। ବ୍ଲକ ପଦାଧିକାରୀ ହିତାଧିକାରୀଙ୍କୁ ୨୫ ପ୍ରତିଶତ ପିସି ମାଗୁଥିବା ଆନ୍ଦୋଳନକାରୀ ଅଭିଯୋଗ କରିଛନ୍ତି।</p> <p>ଅଭିଯୋଗ ଅନୁସାରେ, ପ୍ରଧାନମନ୍ତ୍ରୀ ଆବାସ ଯୋଜନାରେ ବିଲ୍‌ କରାଇବା ପାଇଁ ବ୍ଲକର କାର୍ଯ୍ୟରତ ହିତାଧିକାରୀ ୨୫ ପ୍ରତିଶତ ପିସି ମାଗୁଛନ୍ତି। ଯେଉଁମାନେ ପିସି ଦେଇ ପାରୁନାହାଁନ୍ତି ସେମାନଙ୍କ ଫାଇଲ୍‌ ଗାଏବ କରିଦିଆଯାଉଥିବା ଅଭିଯୋଗ ହେଉଛି। ବାରମ୍ବାର ଅଭିଯୋଗ ସତ୍ତ୍ୱେ କୌଣସି କାର୍ଯ୍ୟାନୁଷ୍ଠାନ ନିଆ ନଯିବାରୁ ବିଭିନ୍ନ ପଞ୍ଚାୟତର ସରପଞ୍ଚ, ସମିତିସଭ୍ୟ, ଜିଲ୍ଲା ପରିଷଦ ସଦସ୍ୟଙ୍କ ସମେତ ଜିଲ୍ଲା ବିଜେପି କର୍ମକର୍ତ୍ତା ବ୍ଲକ ଘେରାଉ କରିବା ସହ ବିଡିଓଙ୍କ ଅଫିସ୍‌ରେ ଧସେଇ ପସିବାକୁ ଚେଷ୍ଟା କରିଥିଲେ।</p> <p>ଜିଲ୍ଲା ପରିଷଦ ସଦସ୍ୟା ପ୍ରିତିସ୍ନଗ୍ଧା ମହାପାତ୍ର କହିଛନ୍ତି, “ଏଠାରେ କୌଣସି କାମ ପାଇଁ ଆସିଲେ ପିସି ମାଗୁଛନ୍ତି। ବିଲ୍‌ ପାସ୍‌ କରାଇବା ଆଗରୁ ପିସି ମଗାଯାଉଛି। ପ୍ରଧାନମନ୍ତ୍ରୀ ଆବାସ ଯୋଜନାର ଫାଇଲ୍‌ ଗାଏବ କରିଦିଆଯାଇଛି। ଘର କରି ଶୌଚାଳୟ କରି ହିତାଧିକାରୀ ବାରମ୍ବାର ବ୍ଲକକୁ ଦୌଡ଼ୁଛନ୍ତି। ହେଲେ ବିଭିନ୍ନ ଆଳ ଦେଖାଇ ଆଜିକାଲି କରୁଛନ୍ତି ସରକାରୀ ଅଧିକାରୀ।”</p> <p>ଏନେଇ ଭିଡିଓ ଦେବୀପ୍ରସାଦ ଟାଲିଙ୍କୁ ପଚରାଯିବାରେ ଅଭିଯୋଗରେ କିଛିଟା ସତ୍ୟତା ଥିବା ସେ ସ୍ୱୀକାର କରିଛନ୍ତି। ସେ କହିଛନ୍ତି,“ଅଭିଯୋଗରେ କିଛିଟା ସତ୍ୟତା ରହିଛି। ହେଲେ ଏଭଳି ଅଚାନକ ଅଫିସ ଭିତରକୁ ପସି ଆସି ଆନ୍ଦୋଳନ କରିବା ଠିକ୍‌ ନୁହେଁ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
