ଟିଟିଲାଗଡ଼ (ମାନସ ରଞ୍ଜନ ମହାନ୍ତି): ବଲାଙ୍ଗିର ଜିଲ୍ଲାର ସଇଁତଳା ଷ୍ଟେସନରେ ପୁରୀ-ଦୁର୍ଗ ଇଣ୍ଟରସିଟିର ରହଣି ଦାବିରେ ଆଜି ରେଳରୋକ କରାଯାଇଛି।
ସଇଁତଳା ବିକାଶ ପରିଷଦ ଓ ଜନସାଧାରଣଙ୍କ ପକ୍ଷରୁ ଏହି ରେଳରୋକ କରାଯାଇଛି। ଆନ୍ଦୋଳନକାରୀମାନେ ସଇଁତଳା ଷ୍ଟେସନ୍ରେ ପୁରୀ-ଗାନ୍ଧିଧାମ ଏକ୍ସପ୍ରେସକୁ ଅଟକାଇ ଦେଇଛନ୍ତି।
ଜଣେ ଆନ୍ଦୋଳନକାରୀ କହିଛନ୍ତି,“ସଇଁତଳା ଏକ ପ୍ରମୁଖ ସ୍ଥାନ। ଏଠାରୁ ବହୁ ଲୋକ ପୁରୀ ଓ ରାୟପୁରକୁ ଯିବାଆସିବା କରନ୍ତି। ତେଣୁ ଦୀର୍ଘ ଦିନ ହେଲା ସଇଁତଳା ଷ୍ଟେସନରେ ପୁରୀ-ଦୁର୍ଗ ଇଣ୍ଟରସିଟି ରହଣି ପାଇଁ ଦାବି ହୋଇଆସୁଛି। ସେଥିପାଇଁ ଆଜି ଏହି ରେଳରୋକ କରାଯାଇଛି।”